和道屋

營業中

休息中

西餐半自助餐就食得多，日式半放題真係第一次食，一個價錢就可以食盡各款日式美食，而且星期一至日，任何時段都都可以食到，而且仲有無面人等等既唔少打卡位一落單店員就會奉上沙律同刺身五點，包括三文魚、油甘魚、 帶子、希靈魚同八爪魚，全部都好新鮮而且厚切之後就到自選料理，包括串燒同天婦羅，可以係二十幾款中揀五款，全部都即叫即做🥬海膽大葉天婦羅海膽鮮甜， 炸粉薄而均勻，唔會搶走海膽既味道。 🦀甲羅燒蟹膏香濃，配多士一流 🐷千崴米豚腩片串燒米豚腩肉質軟嫩，油脂豐富，燒到外焦里嫩，仲保持到肉汁鮮美。🐂鹽燒和牛粒串燒和牛油脂豐富，肉質鮮嫩，用鹽烘托下，更加美味。 之後就到任食壽司，有十幾款全部都係即叫即握，保證新鮮任食手握壽司，連我最鍾意既火炙左口魚邊都有～可以食到夠為止～ 再黎就到主角壽喜燒，本身上枱已經有好豐富既配料，午市仲可以點2次A4和牛、北海道黑豚、生蠔同任食蔬菜盤 🐮日本A4和牛肉質紋理細膩，油脂分布平均🐽北海道米豚肉質鮮嫩，口感細膩，冇任何豬既肉腥味 🦪廣島牡蠣中大隻，肉質肥美，鮮味十足。 🥗野菜盤蔬菜種類繁多，新鮮脆嫩。🍦最後仲有雪糕，畫上完美既句號