極尚大喜屋 (鱷魚恤中心)

營業中

休息中

之前連鎖快餐店推出榴槤雪糕我都未有機會食，有朋友介紹原來大喜屋放題都有得食榴槤就即刻訂咗枱。當然唔少得其他日式美食，一次過滿足晒想食唔同嘢既朋友🌟日式美食天婦羅有好多款，但我最鍾意食海鮮叫咗炸蝦，金黃色嘅外皮包住爽口蝦肉。牛肉壽喜燒好足料，大大塊軟滑牛肉浸喺石鍋湯裏面，溝埋生雞蛋一齊食好滿足🌟海鮮燒比目魚厚身大塊；蒲燒鰻魚肥美又冇骨烤到皮脆肉滑；蒜蓉生蠔好濃味蠔肉都好鮮甜🌟榴槤呢度榴槤放題除咗燒榴槤之外，仲有榴槤糯米糍、榴槤芝士撻、榴槤布丁、榴槤雪條等等，但係識食一定係食原舊榴槤，燒到個皮少少焦脆更突出榴槤香甜