東大門韓國料理 (已結業)

東大門呢一間燒肉有一半係自助一半係寫紙📄肉類就係要寫紙，肉類選擇都多，有牛肉、豬肉、雞肉、魷魚🦑等 小食方面有春卷、炸雞翼、壽司、饅頭、無骨鳳爪、炸魷魚⋯⋯我十分之推介大家食❤️五花腩一上碟好大片，好肥滿，可以燒耐少少，燒到金黃色好脆口，食落唔會覺得好肥膩。❤️咖喱雞串食落好重咖喱，建議可以燒耐少少，雞肉唔會好乾。❤️魷魚唔洗燒好耐就可以食得，唔會有一種臭味，一定要叫。❤️炸饅頭加連奶個饅頭唔會放咗好耐，加上連奶可以自己加幾多就幾多，一口氣食咗四個❤️無骨鳳爪味道有少少酸食落去好正，我不停咁樣夾，會令人地食唔停。