影片
更多
2024-10-29
104 瀏覽
好耐無韓燒，就同朋友去咗荃新天地嘅炑八，今期主題係魷魚遊戲喎。荃新天地嘅分店八點半後入座有宵夜半價優惠，單點燒肉、熟食同飲品都有㗎，價錢抵好多😋點多幾樣食下先。坐低後，店員便過嚟開爐，同時亦放上芝士粟米同泡菜蛋，呢兩樣真係太好食，可以無限添加勁正，另外店員亦送上前菜，生菜、泡菜、蘿蔔、薯仔沙律、生菜沙律等滿滿一枱。⭐炑八厚切五花腩點嘅肉都好快送到，呢個厚切五花腩實在太正喇，豬油燒起嚟相當甘香，燒到外面脆卜卜，再包埋個生菜包食，齒頰留香🤤⭐外群肉朋友點咗個外群肉，即係牛肉嘅橫隔膜部分，望落油花豐富已經好吸引，燒起上嚟好嫩滑，肉質多汁且風味濃厚，超好食🤤⭐大八爪魚 & ⭐韓式紅蝦今次除咗燒牛肉同豬肉外，仲點咗八爪魚同紅蝦，已經醃製過嘅八爪魚燒起上一啲腥味都無，八爪魚腳香口有嚼勁，點少少海鹽勁好食。紅蝦大大隻，蝦肉爽口鮮味，蝦頭仲有唔少蝦膏添，好甘香啊😋⭐海鮮煎蔥餅覺得無乜澱粉質，自己就點咗呢個海鮮煎蔥餅，大蔥香口，入面有唔少魷魚肉，點埋個韓式辣醬鮮味又惹味。⭐薄荷荔枝梳打 & ⭐朝日有氣果酒食燒肉又點少得凍飲，自己叫咗杯梳打，朋友就叫咗杯果酒，梳打揀咗薄荷荔枝口味，而果酒就揀咗藍橙口味，兩
荃新天地嘅分店八點半後入座有宵夜半價優惠，單點燒肉、熟食同飲品都有㗎，價錢抵好多😋點多幾樣食下先。
坐低後，店員便過嚟開爐，同時亦放上芝士粟米同泡菜蛋，呢兩樣真係太好食，可以無限添加勁正，另外店員亦送上前菜，生菜、泡菜、蘿蔔、薯仔沙律、生菜沙律等滿滿一枱。
⭐炑八厚切五花腩點嘅肉都好快送到，呢個厚切五花腩實在太正喇，豬油燒起嚟相當甘香，燒到外面脆卜卜，再包埋個生菜包食，齒頰留香🤤
⭐外群肉朋友點咗個外群肉，即係牛肉嘅橫隔膜部分，望落油花豐富已經好吸引，燒起上嚟好嫩滑，肉質多汁且風味濃厚，超好食🤤
⭐大八爪魚 & ⭐韓式紅蝦今次除咗燒牛肉同豬肉外，仲點咗八爪魚同紅蝦，已經醃製過嘅八爪魚燒起上一啲腥味都無，八爪魚腳香口有嚼勁，點少少海鹽勁好食。紅蝦大大隻，蝦肉爽口鮮味，蝦頭仲有唔少蝦膏添，好甘香啊😋
⭐海鮮煎蔥餅覺得無乜澱粉質，自己就點咗呢個海鮮煎蔥餅，大蔥香口，入面有唔少魷魚肉，點埋個韓式辣醬鮮味又惹味。
⭐薄荷荔枝梳打 & ⭐朝日有氣果酒食燒肉又點少得凍飲，自己叫咗杯梳打，朋友就叫咗杯果酒，梳打揀咗薄荷荔枝口味，而果酒就揀咗藍橙口味，兩杯顏色望落都好靚喎，冰冰涼涼配燒肉真係啱曬。
加咗幾轉芝士粟米，太好味忍唔住😆食完真係飽到上心口，臨走前去埋門面個魷魚遊戲報景板度打張卡先。
張貼
