小鍋霸 (Imperial Kennedy) (已結業)

女女幾鍾意食火鍋放題，因為可以揀自己鍾意食嘅嘢。今日帶佢去西環小鍋霸😋，餐廳唔限時慢慢食。💕店員姐姐服務幾好，好nice，會留意住幫手加湯。環境好舒適，坐卡位好闊落。平平地揀咗 $298 既prime grade 牛肩胛套餐，都已經好豐富。🍅番茄雞肉鍋底勁濃郁，雞肉我地都清埋，🍗 雞髀位非常嫩滑。🐃 牛肩胛牛味濃郁，無激素豬肉片非常 juicy 。我最鍾意海蝦同鮮魚片，非常新鮮，屬回本位。😁囡囡就鍾意食肉燕餃，食咗好多隻。最後仲有大人小朋友都鍾意嘅雪糕，每人一款。佢揀咗曲奇雲呢拿味，我就揀咗咖啡，女女話要媽媽再帶佢嚟。😜