小鍋霸 (Imperial Kennedy) (已結業)

2024-6-25晚上去了小鍋霸打邊爐，點選了椰子雞湯底，椰子味濃配料足夠，我哋選擇了任食由8:00開始食到10.2 last order是10:15 ，我和朋友二人督促吃了差不多3小時但眼闊肚窄最後冇食麵或者烏冬不過整體嚟講，任食校限時120分鐘還好，而且可以試了牛肩隻，非常嫩滑反而無激素豬肉片無咁好食，，至於飲嘢方面，任飲而本人叫了芒果綠茶芒果太甜是糖水，反而飲檸檬雪碧較好飲，雪糕方面選擇多，不過每人只可以嗌一杯。

係一家去過一次唔想再去第二次嘅餐廳，服務態度好差，特別係一位中年女服務員，一邊做嘢一邊闹人，乜都闹，包括自己餐廳嘅食物，佢都要講一輪。仲有經過廚房，衛生環境極差🤮

午市套餐同夜晚打邊爐都試過，Cp 值好高，味道都唔差，選擇都算多，又有多款台式飲品比你選擇，全部職員都好好，好Nice👍🏻👍🏻 區內打邊爐既餐廳黎講整體都好好！

因為近又諗唔到食咩，所以依間野我都幫襯左好多次，初頭叫大碗飯，d肉同飯多到食唔晒，之後就改食自選米線，其他養生湯其實都好好味，但我唔鐘意食雞所以唔叫果d餐，自選就淨係丸，揀2款，再配個蕃茄湯底，大大碗，不過最抵都係杯飲品，超大杯，每次都食到好飽。

餐廳主要做打邊爐，午市亦有100分鐘任食打邊爐。如果不想打邊爐，可吃午市套餐，有不同麵和兩款飯選擇。小編觀察到，無論餐牌、裝修、火鍋設施、味道都跟另一邊爐店《馬祖》很相似。他們都是主打火鍋生意，午市則賣台灣藥膳湯底麵。小編有點懷疑他們其實是分公司🤔小編叫了2號餐：台灣藥膳醉雞湯農場雞米線 $55湯底面頭有幾粒紅棗、淮山碎、木耳、芫荽湯底偏清，雖有藥膳味，但藥材味不濃由於配餸是醉雞，因此湯底也加添了花雕酒🥃的味道👌🏻雖然店家給了雞髀位🍗，雞味不濃也算不上嫩滑😐午市套餐配了一杯熱飲柑桔檸檬：內有一片檸檬🍋，金桔味道濃、有少少澀味，挺好結論只是普通吃個午餐okay既，價錢合理👌🏻

晏晝想食返啲清淡少少嘅午餐，但係又唔想食啲連鎖店，所以就選擇咗位於堅尼地城嘅呢一間餐廳。呢間餐廳主打米線，同埋都有任食火鍋。今日就試咗佢嘅醉雞養生米線，轉咗做新竹米粉，而飲品就揀咗冬瓜茶。整體來講味道都唔錯，湯底都好入味，好有醉雞嘅味道。而冬瓜茶就不過不失，普普通通偏甜。唯獨是我覺得呢間餐廳嘅服務麻麻地，店員有啲冇禮貌，而且因為客人好多人手少，佢哋會點點下菜突然間走咗佢，所以感覺都唔係咁好。但整體上我認為舖頭食物嘅質素不錯，可以一試。

本來以為係散嗌，點知原來係任食。$398 + 1 任食火鍋，喺堅尼地城算貴，食物冇乜特別，食物選擇少，啲牛真係差啲，好普通嘅肥牛，可以自己去佳寶買😂湯底亦都唔出色，鴛鴦火鍋仲要另外加錢，個湯兩隻好似一樣味。寧願貴少少出銅鑼灣食仲好。不過七點半前離座可以有八折，所以想試嘅話建議早啲食喇。最尾個雪糕幾好，有dryers, movenpick，不過每人限嗌一杯🤦🏻‍♂️個廁所好臭，好近廚房，去完都唔開胃。

午市去無限時火鍋，叫咗鴛鴦鍋，一邊係麻辣牛肉一邊係雜菌麻辣嗰邊真係有啲太鹹，雜菌嗰邊反而驚喜，好鮮甜食材方面都好多選擇同埋新鮮，尤其本日海鮮嗰種蜆幾甜，好食、只係每次order係3粒蜆，想食就要點好多次有骨魚皮係幾特別，鐘意食魚皮的話值得一試，比一般炸魚皮有咬口台式飲品都好大杯，幾開心、飲咗好多甜嘢整體嚟講唔限時係唔錯，環境都好乾淨舒服，但最期待的麻辣湯底因為太鹹就扣咗好多分，有啲失望，應該唔會再嚟了

之前去堅尼地城食過舔舔脷後，見到銅鑼灣有新開左間小鍋霸，即刻約埋朋友仔去食。lunch time 打邊爐真係好過份，店員話你食得落，仲可以食到七點，因為係無限時💪🏻💪🏻今日點左麻辣蕃茄牛肉涮涮鍋做湯底，小小辣好惹味，而且都足料落左好多牛肉，新鮮蕃茄同粟米🌽。最鍾意呢度嘅自助醬料吧，乾淨整潔又常滿👍🏻芫荽蔥辣椒蒜頭樣樣足。牛肉就揀左Prime grade 牛肩胛套餐，有牛味又腍，都已經好好味，而且依度都好多配料謙擇，鮮蝦帶子響鈴牛丸鴨血餃子腸仔菜墨魚滑蝦滑，全部都任食，台式飲品都係任飲👍🏻 最重要係店員十分親切，仲會主動加湯，值得一讚！

/ 小鍋霸真正無限時超高質任食台式麻辣火鍋位於堅尼地城嘅呢間台式火鍋店，經過已經覺得好光猛，裝修風格同平時嘅打邊爐店好唔同，俾人感覺好乾淨企理👍🏻呢間火鍋店主打無限時，你想食幾耐就幾耐，最適合同一班朋友聚會🤣佢無論係湯底、火鍋配料定係台式飲品都選擇多多！我就揀咗最平嘅套餐，$298/1人包任食美國牛肩胛肉同埋西班牙無激素豬肉片湯底有台式養生鍋、古早風味鍋、台式麻辣鍋、或者蕃茄濃湯鍋，總有一個啱你心水😙而火鍋配料都幾特別，除咗有一般平時港式火鍋嘅午餐肉、牛柏葉、蟹柳等等，仲有好多台式配料，例如燕餃、甜不辣、新竹米粉等等🇹🇼我最欣賞嘅係佢提供台式飲品，有香芋雪香奶茶、愛民芒果茉莉花茶等等，喺平時火鍋店冇得飲嘅飲品😙📍 小鍋霸 (西環)西環卑路乍街80號Imperial Kennedy地下6號舖

平時嘅火鍋放題都係有限時搞到同朋友食飯想傾下計坐耐啲都唔得呢間小鍋霸就主打冇限時 慢慢食慢慢傾都得放題分三個價位 最大分別都係牛肉嘅等級我地揀左308呢款都已經覺得好唔錯喇湯底都有15款選擇 我就揀左姬松茸什菌鍋入面有各種菇菌之外仲有大大隻雞髀Prime Grade牛肩胛肉油脂唔多肉味比較濃 厚薄適中唔怕韌西班牙無激素豬肉片同牛肉比較我更加鍾意呢隻豬肉片 幾爽口除左兩款肉類之外 仲有六十幾款火鍋料任食質素都唔錯 性價比幾高卜卜蜆完全冇沙 隻隻都脹卜卜好飽滿鮮味鮮魚片好滑又冇骨 蟹柳係勁大條嗰種另外仲有多款台灣食材 好似鴨血 甜不辣 米血糕呢啲地道野都有丸類嘅選擇都好多元化 有啲款未見過沙茶牛肉好入味 咩都唔好點就咁食已經好正另外一定要試下佢嘅手打滑 比單點火鍋店更出色墨魚滑係大量墨魚粒再加少少墨魚漿 口感好豐富任飲都好有誠意 唔係淨得汽水仲有一系列特飲 雪香特濃朱古力好正最後每人有一杯雪糕作結推介俾鍾意任食火鍋但又想慢慢嘆嘅朋友

今日天氣都有乍暖還寒，決定去捉住打邊爐嘅尾巴，路經堅尼地城，見到開咗間新嘅台式火鍋，就決定入去試吓。店舖裝修簡潔，座位都算闊落。湯底係台灣火鍋，實在吸引，有成十幾種湯底，最後揀咗養身姨姫松茸雜菌涮涮鍋，店員話係清淡少少，但都食到真材實料，有啲藥材味。牛肉set 就揀左最平既$298set- Prime grade 牛肩胛肉set。 估唔到啲牛肉上到黎都有驚喜😋有牛味同好淋。另外佢有好多配料可以揀，比較特別有台灣鴨血，米血糕，芫茜燒賣(好食）同埋勁多蔬菜🥬自家製的餃子也是一大特色，餡料是用新鮮肉整，皮薄餡靚，都值得一試。是日海鮮係蜆，都新鮮無沙。最開心嘅係甜品系列，一人限有一杯雪糕店鋪絕不手軟，全係大牌子雪糕，Movenpick, Häagen-Dazs，dryers 都有得揀😍 女女食得肚滿腸肥，大滿足😋而且7.30pm前離座仲有八折👍🏻早食飯朋友既福音

而家打邊爐要不限時先吸引到我，聽講小鍋霸啲配料好出色而且仲係不限時，咁就梗係要嚟試下。小鍋霸有三個套餐選擇，我選擇左$298套餐：Prime Grade 牛肩胛肉和西班牙無激素豬肉片任食套餐。湯底我選擇咗藥膳椰子雞湯。🎈椰子雞湯底椰子味非常濃郁，以紅枣、杞子、半隻新鮮雞作為淆湯材料，湯頭非常清甜。先淥牛肉，牛嘅品質好靚，雪花分佈得好均勻，入口牛味香濃。無激素豬肉片好彈牙，椰子湯配個豬肉片，唔使點任何嘅醬料都已經好好食。🎈呢度嘅沙茶牛肉好好食，入口嫩滑，沙茶味剛剛好，極力推薦俾大家。🎈佢嘅大蝦、蜆同埋白鱔都好新鮮，夠曬肥美。🎈三星蔥牛丸嘅蔥味薑味非常濃郁。🎈好少見有炸魚骨，佢呢度竟然有提供🤩平時嘅邊爐放題都係罐裝飲品，但係佢呢度嘅飲品係台式特飲，有珍珠奶茶、香芋雪香、朱古力牛奶雪香！佢嘅朱古力雪香有非常濃郁嘅朱古力味我又要極力推薦俾大家，一定唔會令你失望。🌞佢所有肉類，海鮮、丸類、餃子、炸物、麵條、台式特飲、甜品都係任飲任食直到晚上10：30🌞你話係咪抵食。

位於堅尼地城的台式火鍋餐廳，裝潢簡約，環境新淨企理，燈光光亮，座位寬敞。主打是無限時的火鍋任食，三個套餐選擇，分別是牛肉及豬肉的級數，價錢相宜。火鍋亦有多款台式湯底，以及大量火鍋配料。火鍋套餐：Prime Grade牛肩胛肉及西班牙無激素豬肉片湯底：藥膳椰子雞涮涮鍋奶白色的湯底，帶椰子香，鍋內有很多湯料，雞件、豆卜、粟米、木耳、洋蔥，湯底越熬越濃稠，味道清甜。雞件很大件、厚肉。牛肩胛肉鮮紅色，牛味濃郁，非常薄片，輕輕灼一下，很快已熟透。豬肉片也很粉嫩，肉質軟腍。醬料則在外面自行拿取調味。火鍋配料則在手機上下單，十分方便。種類有肉類、海鮮類、丸類、手工包餃、蔬菜、炸物及麵食。丸子跟平日常吃到的更有特色，如三星蔥貢丸、蘑菇芝心堡、麻辣牛丸等；另外，有很多台灣的食材，如台灣燕餃、魷魚羹、米血糕、甜不辣、新竹米粉等，包羅萬有。飲品方面，有基本的檸檬茶、可樂，還有特色茶飲，如香芋雪香奶茶、台灣特級朱古力、愛文芒果茉莉花茶等，冷熱皆有，即點即調製。雪糕方面，每人限定只可選一杯雪糕、甜筒或雪條，口味也很特別。

無時間限制任吃火鍋在巿面上相對較少有，很多都在2小時完成，小鍋霸就能讓食客可以無限時間地享用火鍋。最重要火鍋食材新鮮，湯底又真材實料夠美味，讓人吃得很滿足。小鍋霸在西環店，還有將軍澳店，這次來到西環店，從地鐵站出走路來到都非常方便。以任吃火鍋地方雖然不算大，但座位肯定充足。座位座得舒適。好多火鍋店都限時進食，小鍋霸是沒有限時享用火鍋，不同收費，包括了指定的牛肉豬肉，湯底一鍋，湯底一共有15款味道，包括了葯膳、養生、蕃茄、沙茶和麻辣湯底。其他火鍋食材都是任吃任喝，包括了海鮮、肉類、肉丸，餃子、蔬菜和麵食等。飲品都有冷有熱，一般餐茶、汽水或台式飲品等，每位入座食客還包括了雪糕一份，入座選好湯底，就可以手機自己點選食材和飲品下單，非常方便。在眾多火鍋之中，點選了養生姬松茸什菌涮涮鍋湯底，湯底以當歸、黨參、北芪，杞子、紅棗和桂圓，加入姬松茸和什菌，湯底清甜無比，姬松茸和紅棗的味道挺香，一次過喝上2碗湯也不怕，因為再添加是湯水，不是熱水，所所以加了湯水，湯的味道不會變淡。火鍋以不同牛肉和豬肉為選擇每位收費，吃肉不多的我，就選了HKD 298/人餐，以牛肩胛肉和無激素豬肉片為主要肉類，再有不同牛肉