影片
更多
2020-02-08
1155 瀏覽
發現原來佢地有搞weekend brunch buffet，四百幾蚊食足三粒鐘，除咗包主菜同甜品之外，有刺身壽司沙律熟食任食，跟晚市相較之下性價比更高，胃口大又想食平啲嘅非常推薦呢個brunch呢先講任食部分，回本位刺身有甜蝦/帶子/吞拿/三文，仲有比較少見到可以任食嘅油甘魚，當日佢仲要真係幾隔離放咗勁大條油甘魚響度添，當然仲有蟹腳啦，不過我呢啲懶拆殼嘅都係主力攻刺身算xD沙律區有款係薄牛肉同晚市食過嘅有八成似(當然任食未必係用和牛啦)，一樣係只燒外面內裏仲係生，食到牛香同時又食到嫩滑質感，加埋沙律醋更為開胃，呢個我食咗成十塊都嚟；至於熟食區個天婦羅都幾有驚喜；炸皮脆得嚟又唔算厚，入面隻辣都好新鮮嫩滑，完全超過咗任食嘅水準另外佢地仲有好過癮嘅和食學堂，會有人教你整大阪燒，可以自己任落料，有得食又有得玩，不過要留意星期六就係整大阪燒餅，星期日就係整章魚燒小丸子呢主菜方面星期六日嘅menu都唔同，以下都係星期六供應der~其實本身都有任食部分，所以主菜選擇上比起可以填飽個肚倒不如揀啲比較名貴啲嘅嚟回本，首推當然係極上四點刺身拼盤，除咗有拖羅同海膽之外仲有我至愛嘅金目鯛，一秒上天堂；而北海道
先講任食部分，回本位刺身有甜蝦/帶子/吞拿/三文，仲有比較少見到可以任食嘅油甘魚，當日佢仲要真係幾隔離放咗勁大條油甘魚響度添，當然仲有蟹腳啦，不過我呢啲懶拆殼嘅都係主力攻刺身算xD
沙律區有款係薄牛肉同晚市食過嘅有八成似(當然任食未必係用和牛啦)，一樣係只燒外面內裏仲係生，食到牛香同時又食到嫩滑質感，加埋沙律醋更為開胃，呢個我食咗成十塊都嚟；至於熟食區個天婦羅都幾有驚喜；炸皮脆得嚟又唔算厚，入面隻辣都好新鮮嫩滑，完全超過咗任食嘅水準
另外佢地仲有好過癮嘅和食學堂，會有人教你整大阪燒，可以自己任落料，有得食又有得玩，不過要留意星期六就係整大阪燒餅，星期日就係整章魚燒小丸子呢
主菜方面星期六日嘅menu都唔同，以下都係星期六供應der~其實本身都有任食部分，所以主菜選擇上比起可以填飽個肚倒不如揀啲比較名貴啲嘅嚟回本，首推當然係極上四點刺身拼盤，除咗有拖羅同海膽之外仲有我至愛嘅金目鯛，一秒上天堂；而北海道鱈場蟹腳個質素當然亦高過任食嘅好幾級，厚肉鮮甜
至於想響高質同填肚皆取的話我會推薦十貫壽司拼盤，同樣有返刺身拼盤果幾款魚另外再多幾件其他款式，話說食過幾次今次都係第一次食呢度啲壽司，無論係醋味定飯質都幾討好呢
當然大胃王或者主攻任食刺身嘅會想有啲暖嘢落肚，就可以揀A4宮崎和牛冰見鳥冬或者迷你蒲燒鰻魚丼，鳥冬之前晚市都食過質感好滑口幾鐘意，而鰻魚丼個鰻魚夠厚肉而且燒到好香，個飯黏度都唔錯，連埋鰻魚汁食一流
最後仲有廚師精選甜品盤，超浮誇地有埋乾冰噴哂煙咁學朋友話齋好有意境，有生果有mochi仲有海鹽雪糕超滿足！
張貼
