影片
更多
2016-11-21
2050 瀏覽
天氣涼左小小, 就梗係要去打邊爐, 而任食既邊爐就最岩同班大胃口既朋友去。位於莊士倫敦廣場既好一鍋, 係佐敦地鐵站對面, 地點好方便。正常開飯時間收費都只係$158一個, 仲要任飲任食2個半鐘, 抵到爛。 所以好多人等位, 最好book定枱。 4個人比左張卡位我地。先黎一渣竹庶水, 送既唔駛錢, 夠冰凍, 不過甜左d, 都係飲雪櫃任飲既罐裝汽水, 有氣係爽d!免費湯底有10款任揀, 雙拼都得, 又唔駛加錢, 都幾好。 我地揀左胡椒豬肚拼花雕醉雞湯底。 開始打之前先飲啖湯, 胡椒豬肚辣辣地好惹味, 而醉雞湯好香花雕味, 而且跟湯另上碟醉雞比我地慢慢滾, 任食黎講真係夠晒真材實料!任食既種類都好多, 如手切肥牛, 美國肥牛, 仲有花膠, 海蝦等都係任食。 當然想食好d如廣島蠔, 象拔蚌, 鮮帶子和安格斯肥牛等, 就要另外比錢, 如果一班人去, 除番開又唔算貴, 叫2碟黎滿足下都唔算過份。任叫食物會因應每枱人數而比幾多, 唔會造成浪費, 又唔駛爭, 幾好, 而漏單情況甚少出現。雖然無限量供應手切肥牛同美國肥牛, 但係都想叫碟質素好d既極品肥牛($128)黎食下, 雪花紋都靚d, 牛味都香d好
位於莊士倫敦廣場既好一鍋, 係佐敦地鐵站對面, 地點好方便。
正常開飯時間收費都只係$158一個, 仲要任飲任食2個半鐘, 抵到爛。 所以好多人等位, 最好book定枱。 4個人比左張卡位我地。
先黎一渣竹庶水, 送既唔駛錢, 夠冰凍, 不過甜左d, 都係飲雪櫃任飲既罐裝汽水, 有氣係爽d!
免費湯底有10款任揀, 雙拼都得, 又唔駛加錢, 都幾好。 我地揀左胡椒豬肚拼花雕醉雞湯底。 開始打之前先飲啖湯, 胡椒豬肚辣辣地好惹味, 而醉雞湯好香花雕味, 而且跟湯另上碟醉雞比我地慢慢滾, 任食黎講真係夠晒真材實料!
任食既種類都好多, 如手切肥牛, 美國肥牛, 仲有花膠, 海蝦等都係任食。 當然想食好d如廣島蠔, 象拔蚌, 鮮帶子和安格斯肥牛等, 就要另外比錢, 如果一班人去, 除番開又唔算貴, 叫2碟黎滿足下都唔算過份。任叫食物會因應每枱人數而比幾多, 唔會造成浪費, 又唔駛爭, 幾好, 而漏單情況甚少出現。
雖然無限量供應手切肥牛同美國肥牛, 但係都想叫碟質素好d既極品肥牛($128)黎食下, 雪花紋都靚d, 牛味都香d好食d。
額外仲叫左碟安格斯牛柳粒($128), 牛味濃而有嚼勁, 滿足在座既牛魔王。
任食既手切肥牛, 美國肥牛質素都唔差, 不過如果每次份量比多d就梗加好啦。
海鮮就叫左海蝦, 花膠, 鯇魚腩, 墨魚丸同墨魚滑, 海蝦同鯇魚腩都算幾新鮮, 墨魚滑就最好食又彈牙, 要叫多轉黎食。另外仲叫左碟是日推介既海鮮 - 蜆, 雖然唔算大隻, 但好在夠鮮甜又無沙。
灸燒芝士丸同香蔥魚腐都幾好食, 要叫多轉。
油炸物呢d香口野梗係唔小得, 炸魚皮好鬆脆又大塊唔會碎碎濕濕, 響鈴係必點無油溢味, 最正有蜂巢豆腐, 吸晒花雕同胡椒湯既精華, 勁入味!
打邊爐除左喪食肉, 當然都要食番d蔬菜, 懶係健康咁。唐生菜, 油麥菜, 粟米, 白蘿蔔同南瓜都幾新鮮下。
打完邊爐就梗係想食番d凍野, 呢間邊爐仲提供自助乳酪吧, 食幾多唧幾多, 又好玩, 仲有幾款topping揀, 雖然味道唔及乳酪店咁好味, 過下口癮都唔錯啦!
張貼
