影片
更多
2011-01-18
49 瀏覽
細個時最憎食蝴蝶酥, 一來唔喜歡食甜嘢, 更嫌佢又硬又肥又甜又"立", 成日笑我啲妹, 唔知佢哋點解會食埋.啲咁嘅垃圾但一次偶然嘅機會, 令我對呢樣嘢徹底改觀.冇接觸呢樣嘢OVER30年, 有日比我喺家中見倒, 原來係朋友聖誕送嘅, 望見個名好熟, 好似呢排好HIT. 咁本住30年冇食嘅好奇心, 又想知呢間嘢有啲咩咁巴之閉, 係咁二試一啖啦一咬就覺得好鬆脆, 好輕身, 同舊時食嘅好重好硬同有啲韌嘅感覺好唔同, 再細嘗, 有少許甜, 但已經絕對足夠, 而甜得嚟又唔會"立". 而且一啲都唔肥膩.呢啲已為呢件嘢攞好高嘅分數, 但最AMAZING嘅係, 入口冇耐, 當食倒鬆, 脆, 輕身, 甜, 同香之後, 自然想一啖吞佢落肚, 想吞之際, 件酥突然好似魔術咁喺口中差不多完全消失, 剩低嘅只係呢件蝴蝶酥繞樑三日嘅味道同口感... 直承就好似現時份子料理喜愛玩嘅帽子戲法咁.當時真係呆左一呆, 咁唔信之下一啖一啖咁食, 轉眼食左半包. 最勁嘅係食後一啲飽同膩嘅咁覺都冇, 真係可以食好多.大家可能覺得我咁講好跨張, 但係呢件同我30年前食嘅真係天同地嘅分別, 亦可能而傢周圍嘅中式甜餅都已進步到咁嘅地
但一次偶然嘅機會, 令我對呢樣嘢徹底改觀.
冇接觸呢樣嘢OVER30年, 有日比我喺家中見倒, 原來係朋友聖誕送嘅, 望見個名好熟, 好似呢排好HIT. 咁本住30年冇食嘅好奇心, 又想知呢間嘢有啲咩咁巴之閉, 係咁二試一啖啦
一咬就覺得好鬆脆, 好輕身, 同舊時食嘅好重好硬同有啲韌嘅感覺好唔同, 再細嘗, 有少許甜, 但已經絕對足夠, 而甜得嚟又唔會"立". 而且一啲都唔肥膩.
呢啲已為呢件嘢攞好高嘅分數, 但最AMAZING嘅係, 入口冇耐, 當食倒鬆, 脆, 輕身, 甜, 同香之後, 自然想一啖吞佢落肚, 想吞之際, 件酥突然好似魔術咁喺口中差不多完全消失, 剩低嘅只係呢件蝴蝶酥繞樑三日嘅味道同口感... 直承就好似現時份子料理喜愛玩嘅帽子戲法咁.
當時真係呆左一呆, 咁唔信之下一啖一啖咁食, 轉眼食左半包. 最勁嘅係食後一啲飽同膩嘅咁覺都冇, 真係可以食好多.
大家可能覺得我咁講好跨張, 但係呢件同我30年前食嘅真係天同地嘅分別, 亦可能而傢周圍嘅中式甜餅都已進步到咁嘅地步, 只係我仲係井底之蛙, , 如果係咁, 願聞其詳. 但事實就係我食佢時嗰種驚艷嘅感覺, 真係冇呃你
呢包嘢買$42
一包有15件, 即係每件 $2.80
好細件, 比起當年食嘅, 四份一都唔知有冇...
雖然唔平, 但絕對值回票價
張貼
