泰 (瓊華中心)

營業中

休息中

媽媽想食泰菜，立即遵命訂枱，試過Thaiology 銅鑼灣店質素不錯，一於帶媽媽去旺角店試試，網上訂座還有88折呢。餐廳座位多以半沙發座，座位夠寬敞，以QR code下單，有問題亦可隨時查詢店員。泰式小食拼盤 $168拼盤包括魚餅、蝦餅、雞翼、春卷各2件及沙嗲串燒4串，串燒可自選配搭豬、牛或雞每款2串，我們要求轉晒雞串燒，店員也樂意幫忙。蝦餅熱辣辣夠彈牙，仲有不少蝦肉作餡料。雞串燒啖啖肉，每人2串好夠喉。咖哩炒軟殼蟹 $208份量十足，咖啡汁有蛋香一啲都唔辣，軟殼蟹用炸粉包住，炸起脆卜卜，配菜有粟米芯、菇菌、甘荀及紫洋蔥，好味到二人成整清晒。原個鮮椰青 $64捧住大椰青邊飲邊食埋椰子肉，爽呀～椰子水夠清甜，食完濃味食物好解渴。菠蘿梳打 $42可選甜度及冰量，我懶健康揀少甜同少冰，飲落岩岩好，內有好多新鮮菠蘿粒，又係解渴之選。