馬姐重慶麻辣燙(老字號)

營業中

休息中

平時食嘅餐廳如果有中伏或不愉快都冇諗過要寫差評，但今次真係忍唔住要寫，哩間嘅價錢同份量真係極不合理，外賣份量少，3次仲會有2次漏餸嘅情況，諗住繁忙時間難免有錯亂，體諒下都費鬼事計較由佢了。今次再叫外賣，額外加底，送到來一打開，米線少得可憐，連普通正常份量都不如，又或者充其量只係一個餐份量。之後當然有下文啦～詳細過程就費事講咁多。睇返其他食評原來都有唔少食客都有寫過呢間舖嘅份量不合理、漏餸、店員態度差……，咁樣嘅經營手法只會拆自己招牌。經過今次 以後都唔會再幫襯哩間店，完。