天天潮州粉麵 (已結業)

一條友求求其其食啲野，米線都食到厭晒。有間都算新既潮州粉麵鋪頭，但係新開個幾日媽媽幫襯過，話唔太好食。所以抱住勇者無懼既心態去試下先。望下餐牌又唔太貴喎，雙拼$40我揀左牛腩雲吞米，加飲唔都係加$7 算係咁啦！好快就有野食咁大碗既？唔係得隻碗大，係碗大之餘米粉同餸都多呀！三粒雲吞正常size 牛腩都有好多舊。試下牛腩先唔痴牙，唔un 同都入味喎以前食過啲會痴牙又咬唔爛既牛腩，自始就開始怕左食牛腩，呢度重燃我食牛腩既信心雲吞食落有蝦無雪味，米粉太多食唔晒湯底食完唔口渴掂。下次會再黎食其他野