天天潮州粉麵 (已結業)

耐唔耐都會同老公黎食lunch, 唔理黃定藍，覺得味道都唔錯，價錢亦合理。尋晚一個人黎食，叫咗碗崩沙腩河$45、凍豆漿，點知碗「崩沙腩」全部肉又瘦又鞋又有雪味，諗住問阿姐係唔係俾錯咗牛腩我，都未開聲阿姐已經話係咪好瘦，佢走去問廚房佬，回覆我話今次返批肉係咁、係唔靚😩咁你仲賣？因為冇人投訴！得我出聲喎😡咁我話唔要，另一個阿姐走黎話咁收我牛腩河價喎！儍的嗎？唔通我去食鮑魚你比墨魚我都照收貨咩！仲有個豆漿，平時係真空杯裝，尋日係倒出黎，淡而無味！

星期日兩點食開果間金x冇位，焗住行去第二度搵食，點知越行越遠，去咗商場另一邊嘅盡頭，好深入，而且冇乜遊人行來行去。其實間舖開咗好耐，只係極少行入去，幾年前食過一次牛腩麵，冇乜特別記憶。今次係第二次幫襯，成個舖位做咗廚房，幾張大圓枱放晒喺走廊欄杆邊，變得好闊落，坐得好舒服，冷氣都好足夠。點咗牛孖筋雲吞麵，牛孖筋好香滑，微軟，切大件長條形，口感唔錯，份量多，唔走刺激路線；雲吞比較淡口，有蝦有肉，蝦轆好大隻；湯低唔咸。整體好大碗好充實好舒服。

都知道出街食嘢 啲野食都唔荒乾淨得去邊但呢間第一次已經食到隻曱甴仔同行朋友見到之後 自己嗰碗雲吞河都食唔落 因為係同一碗湯 好核突 同佢細細聲講 佢又大大聲話: 咁退錢囉！碗牛肚手腸河 三十三蚊 佢最尾退翻三十蚊俾我杯豆漿本身食麵加七蚊有 最後收翻我十蚊 話當我單點咗杯豆漿飲......佢收銀啊姐都唔好意思講出口 細聲到聽唔到幾好食都唔會再幫襯 更何況跟本唔好食 下面pat肥肉係係啲痴係啲牛腸上面嘅 啲牛腸牛肚唔入味 湯頭都好淡味成碗嘅賣點就係夠大碗 不過多都冇用 環境同食物都好劣 食完過咗七個鐘之後都係想嘔

叫牛坑腩 河 舊舊都邊位硬骨骨仲難食過叫普通牛腩開張時食 果一位師傅 做得好食好多 經常幫襯、最近又換了師傅、食物都變差了。開張到今日都見過4、5個不同的師傅 。中秋節 早上9:16分 光顧

呢度一般都吾洗等位。送餐時間又5會耐。紫菜四寶河，可以滿足到你試新野既慾望因爲未食過既話，可以試下邊隻好食。其實真的麵既份量好足料。我是女生永遠也吃不完。一定要分給朋友食。佢地既紮肉，因為我少食紮肉，所以只覺得夠新鮮，吾會硬。味道很不能多加意見。但肉既份量就真係少左dd。始終好薄，食哂d料，得翻個粉麵又有d dry既感覺如果中意魚餃一定要食呢個潮洲魚餃我是真的真的食上癮。吾會有魚腥味。而且份量剛好足夠。$29一碗真係抵食！超級推介如果可以買一批未煮過既魚餃翻屋企自己煮就好！

我差唔多九点十先去到。收十点。因其他舖都收哂於事揾位坐。個阿姐木無表情叫我坐佢特定既位。咁聽佢講。叫咗個淨水餃。表示要多葱多湯加色。有禮店員重以為我全多向我再確認。。今次碗野比上幾次好亦做到我要求同水餃好大隻。後來見佢地埋數。我比錢先同阿姐講。佢態度好差又唔出講。用眼尾望收銀托住個頭似好不满我咗佢收工。我走去埋單。個後生仔重唔該前唔該係叫我慢慢食。老實今次食物質數同個後生仔態度我ㄧ定会再食好小見D咁有禮貌既。但個阿姐就埋搞。 2月17 日晚上950

試過不少潮式牛腩河，通常越有名越貴的越伏，因為貨不對版。以崩沙腩為例，有些給的部位只是邊皮，根本吃不到它獨有的風味，有些直頭掛羊頭賣狗肉，即列入黑名單！ 試過因為有某出名飲食KOL推介一間在尖咀專吃牛的餐廳吃崩沙牛腩河， 標榜腩味香湯底濃， 即管去試試。午市八十幾蚊重要加一的一碗限量崩沙腩河加飲品，來到的不是正中崩沙部份，雖然也算冧滑，但寒寒酸酸幾嚿細細的牛腩，冇乜肉味，再加個 標榜冇落味精但相信有落雞粉的湯底，收成百蚊，真係牙痛咁聲！反觀呢間草根店老老實實的比你正宗崩沙腩， 上下兩層筋包住微微帶肥的肉，才是它應有的風味。 牛腩入味唔會過鹹， 湯底是普普通通貨色，但加入腩汁味道亦算野味，吃得到沒有放味精。 河粉是普通貨色但都收貨。一碗只係$45，是一半價錢！！所以覓食不能麻木相信權威， 要身體力行自己去發掘！

一條友求求其其食啲野，米線都食到厭晒。有間都算新既潮州粉麵鋪頭，但係新開個幾日媽媽幫襯過，話唔太好食。所以抱住勇者無懼既心態去試下先。望下餐牌又唔太貴喎，雙拼$40我揀左牛腩雲吞米，加飲唔都係加$7 算係咁啦！好快就有野食咁大碗既？唔係得隻碗大，係碗大之餘米粉同餸都多呀！三粒雲吞正常size 牛腩都有好多舊。試下牛腩先唔痴牙，唔un 同都入味喎以前食過啲會痴牙又咬唔爛既牛腩，自始就開始怕左食牛腩，呢度重燃我食牛腩既信心雲吞食落有蝦無雪味，米粉太多食唔晒湯底食完唔口渴掂。下次會再黎食其他野