影片
更多
2022-05-01
646 瀏覽
兩個人唔係好肚餓，點咗兩個麵加一個炸物，餓住咁走。 份量實在太少，本來都諗住追加，但係實在太難食， 都係算數。$ 62蚊炸蝦餅凍檬，真係少得可憐，佢一上枱我已經嚇親， 分量太少而且輕飄飄。凍檬我夾咗五啖就已經食完。炸蝦餅兩舊剪成四塊。 炸蝦餅普通嘢啦，唔彈牙。 配菜係花生，炸蒜 （好大陣油益味），芽菜，生菜， 極小量嘅蔥。 配菜都有齊但係就帶唔出嗰種越南風味。$64脆炸香葉魷魚圈，一上檯已經油林林咁款。入口好難受因為實在太油膩 。$72 朋友食咗個火車頭河粉，嫌佢唔夠多香草， 冇嗰種清新嘅青蔥味。 個湯底求其到一個極點，除咗個鹹字冇乜感覺 。食完兩個麵先上炸魷魚圈唔知想點。 麵成本幾多錢啫？加埋一，七十蚊一個撈檬，得嗰幾啖麵就太過份囉。
$ 62蚊炸蝦餅凍檬，真係少得可憐，佢一上枱我已經嚇親， 分量太少而且輕飄飄。凍檬我夾咗五啖就已經食完。炸蝦餅兩舊剪成四塊。 炸蝦餅普通嘢啦，唔彈牙。 配菜係花生，炸蒜 （好大陣油益味），芽菜，生菜， 極小量嘅蔥。 配菜都有齊但係就帶唔出嗰種越南風味。
$64脆炸香葉魷魚圈，一上檯已經油林林咁款。入口好難受因為實在太油膩 。
$72 朋友食咗個火車頭河粉，嫌佢唔夠多香草， 冇嗰種清新嘅青蔥味。 個湯底求其到一個極點，除咗個鹹字冇乜感覺 。
食完兩個麵先上炸魷魚圈唔知想點。 麵成本幾多錢啫？加埋一，七十蚊一個撈檬，得嗰幾啖麵就太過份囉。
張貼
