曼谷泰菜 (已結業)

是日去左馬鞍山,果頭都好似無乜好食咁,又唔想食D連鎖餐廳/ 快餐店...所以就搵左間泰菜試下喇!!呢間曼谷泰菜,可算係我肥龍B暫時食過最普通!!甚至可稱為難食既一間!!我同肥妹仔叫左金柚子蝦球沙律,咖哩牛肉同一碗雞肉, 魚丸米線...其實個沙律味道都OK,但係佢貴過普通D沙律, 因為佢有蝦球!!不過蝦球數目燎燎可數...真係好唔抵!!個咖哩牛肉係無咖哩味, 水汪汪咁!!好似湯黎... 你話點餸白飯呢??!之後叫果個米線...我都知係我錯!! 邊有人食泰菜會叫米線架呢...成碗米線味道都唔知乜味...咖哩又唔係, 冬蔭功同沙嗲都唔係...總知係有DD味, 恕我形容唔到!!坐係坐得舒服, 服務都OK!!不過食物味道一般, 可以話難食...(或者係我揀果D係...) 份量又少...睇黎都要再出動搵野食喇... ...