Poking

Popeye Punch佢咧款bowl有慢煮雞胸肉，豆腐，西蘭花，雜錦菇配埋日式照燒汁。我額外加咗半個牛油果。好欣賞佢個慢煮雞胸肉，個個都話雞胸肉好柴，但係佢咧度嘅雞胸肉食落一啲都唔柴，而且仲好嫰滑好juicy！！有食材本身嘅香味同鮮味之餘，佢啲醬汁唔會太多，日式照燒汁甜甜哋，再配埋壽司飯少少酸，開胃又好味，仲完全唔肥膩tim~The Good Day咧個bowl有香煎雞扒，鮮蝦，鮮菠蘿，中華沙律，甘筍絲加花生碎配埋泰式沙律醬。鮮蝦食落爽口彈牙，唔會落啲好濃郁嘅調味料，有淡淡嘅鮮味。雞扒都煎得剛好，有焦香味之餘夠曬肉汁。本身個人好中意食菠蘿，佢用鮮菠蘿真係夠曬誠意，啲菠蘿唔會好似罐頭咁得個甜字，甜得嚟少少酸，而且每一舊都幾多汁，下次會選擇加多份菠蘿~ 咧個bowl叫咗沙律菜底，啲沙律菜好新鮮，配上少少辣嘅泰式沙律醬一啲都無違和感，反而仲惹味啲tim~ 飲品方面叫咗熱情果菠蘿梳打同蘋果醋氣泡紅茶。熱情果菠蘿梳打味道酸甜，加埋冰凍嘅梳打水，啱曬近排咁熱嘅天時飲~ 蘋果醋氣泡紅茶就偏酸少少，氣泡紅茶咧個組合幾特別，紅茶唔會過濃，幾香蘋果醋嘅味道個人感覺佢啲poke bowl嘅分量其實唔少，中