黑木亭居酒屋 (金馬倫道)

今晚收工經過尖沙咀，發現門口的餐牌幾吸引，就入左去試試。沿樓梯上，已經聽見日式音樂係餐廳內傳出，餐廳牆上亦見大量日式壁畫，令人彷彿置身於日本！上到去人流都唔少，很熱鬧，氣氛好好！我同朋友都覺得無入錯地方，充滿期待！我同朋友叫左以下的野食：山葵滿盤烤肉烤肉盤內，肉的份量非常豐富！有“滿盤”的牛舌、牛肉、豬肉和黑腸。而除左肉之外，亦有矮瓜、彩椒、菠蘿等蔬菜。每款肉的調味都恰到好處。呢道菜仲配了新鮮生菜，夾住燒肉食可以中和燒肉嘅油膩。紫菜燒年糕配紅豆蓉及煉奶年糕燒得外脆內軟，包著年糕嘅紫菜散發出淡淡的紫菜香，加上煉奶同紅豆蓉，令味道更加提升。時令海膽天婦羅紫蘇葉包著鮮甜海膽，製成天婦羅，口感特別。用海膽嚟製作天婦羅唔常見，想不到效果不錯，外面炸得香脆，而同時，咬落去又試倒海膽的鮮甜，有驚喜！蜜桃烏龍紅茶一上菜就俾杯裡面嘅熊仔造型冰塊吸引住😍 熊仔冰塊係用烏龍茶做的，襯返啡色，可愛得嚟又好飲！百香果荔枝梳打荔枝梳打同百香果味道得夾，飲落好fresh, 仲有百香果肉同荔枝肉，啖啖鮮果肉。呢間餐廳食物同環境都仿如置身於日本，未有時間買機票返家鄉，不仿嚟呢度一解思鄉之愁！