朴先生韓國快餐 (已結業)

行完西九，諗住去8樓food court 食嘢，行個round後試吓呢一間好似真係韓國人（可能係偽）開嘅，點知真係伏到不行。嗌咗個辣五花腩肉飯，返屋企一打開個飯盒，見到份量已經唔多，有隻煎蛋覆蓋着左成盒飯，移開左隻蛋之後簡直係嚇一驚。完全見唔到五花腩肉，仔細用筷子撩咗好耐，終於撩到幾粒碎肉片，將啲肉碎掃埋連一隻匙羹嘅份量都冇（見圖）！其餘全部都係泡菜碎！大佬呢盒飯點樣可以收人$58 ？！我重來都唔寫食評，但呢條友真係太離普，希望大家睇完唔好再有人中伏。