餃子駅 (MegaBox) (裝修中)

開工飯諗住食好啲，見佢有少少人龍諗住應該不俗，點知真係今人失望！夾埋同枱叫咗三個餐，坐足大半個鐘先上齊第一個set，大佬你估你做fine dining?同事order酸辣湯set，一上枱就得番半碗都無，係咪有人負責試飲試食定試毒？啲餃子真係似即叫即整呀，等咁耐，應該係由搓餃子皮開始啦，難為班姐姐俾人問到口啞。特别個粟米芝士餃，重伏咪食。成餐飯最正係太興罐裝奶茶。唔明哪來自信自稱餃子駅仲收咁貴！！！咁難食點解有人龍？因為要等囉。