餃子駅 (MegaBox)

營業中

休息中

下午茶時間～試下依間餃子店先～自助醋、醬油、辣椒油方便使用酥炸排骨湯麵～麵份量少都算彈牙～少量粟米粒、海帶片～昆布粟米湯底有色冇味～食麵湯底好緊要～酥炸排骨切開4嚿～好乾冇乜味～似係炸咗好耐紅菜頭去皮雞肉餃昆布粟米湯麵～有12款餃子可以選擇～豬肉、雞肉、羊肉都有～紅菜頭去皮雞肉餃子幾特别～紅紅地其他餃子店冇嘅～味道夠不過好少肉～4大嚿餃子煮得剛好皮唔會爛跟餐罐裝太興奶茶幾好飲～熱柚子蜜正常味道唔會淡

開工飯諗住食好啲，見佢有少少人龍諗住應該不俗，點知真係今人失望！夾埋同枱叫咗三個餐，坐足大半個鐘先上齊第一個set，大佬你估你做fine dining?同事order酸辣湯set，一上枱就得番半碗都無，係咪有人負責試飲試食定試毒？啲餃子真係似即叫即整呀，等咁耐，應該係由搓餃子皮開始啦，難為班姐姐俾人問到口啞。特别個粟米芝士餃，重伏咪食。成餐飯最正係太興罐裝奶茶。唔明哪來自信自稱餃子駅仲收咁貴！！！咁難食點解有人龍？因為要等囉。

今晚同呀媽去咗宜家家私睇咗椅之後搵咗呢間野食晚餐。我哋簡咗晚市套餐 炸豬扒湯麵配六隻 紅菜頭雞肉餃子 同埋 雪菜肉絲 配六隻韮菜豬肉餃🥟炸豬扒湯麵正常發揮，炸豬扒皮薄白色肉感覺用料算新鮮。但兩款餃子紅菜頭雞肉餃，如果唔加醋會冇乜味而且賣相唔太好🙈而韮菜豬肉餃，如果唔加醋會食到豬肉果種腥味🙈而且餃子皮唔爽口可以簡煎餃會好少少，但勝在價錢低 兩個餐包飲品都係$178👍🏻

這店就在商場顧客服務台旁邊，人流多的，這商場，食肆的黃金期只有午餐時段，然後就⋯⋯我在超市血拼完後，已經是兩點多，午餐沒吃，都應該來個下午茶吧！看見門口的展示，下午茶是$38！（原來上次吃是四十多元，湯底有不同）這次安坐後，服務員在附近，我就直接跟她點餐。（最討厭手機落單！）服務員親切有禮，解答疑難，精準。落單後，我觀察她的活動，手腳麻利，還在帶一個類似暑期工的少年做事。飲品、餃子送到。今天是昆布玉米湯麵。兩種餃子是芹菜豬肉和蝦滑帶子椰菜。豬肉餃子好味道D。這個價錢，我不會有過份要求。質素、份量、味道，我完全接受。沒有投訴。在megabox一個人要找點吃的，這裡是個好選擇。

下午兩點多，午膳的人群都散了。在商場裡看看有什麼好吃的，說到餃子，其實我有點掛念以前在超市外的八方雲集、不過這個已經沒有了。處理完泊車優惠，看見這店有下午茶。有座位，那就吃個下午茶吧。這種店，有座位，合理空間，手機落單（最討厭！）搞定後，就等吃。餐具自己在桌子的抽屜裡自便。算是乾淨企理。一小碗胡椒豬骨湯麵，配4隻餃子（韭菜豬肉、芹菜豬肉各2隻）配一杯熱豆漿，味道OK的，沒有超級的驚喜。如果路經此地，可以一試，不用特意來光顧。

唔係第一次食，一直以來炸猪扒都中規中矩，尚算足料。今次叫咗兩個猪扒餐，第一份送過黎嘅時候，甩頭甩計仲有啲紅色，問職員換，佢都肯幫手，隨後第二份炸猪就送到喇，同以前一樣，無問題。好喇好喇，叫佢幫手換嘅送返黎喇…由本身切得開6件嘅…變成4件。有圖有真相！我都嬲到費事出聲，原來佢就其拎走兩件比返我！咁就當無嘢？！跟著經理行過話幫我重新炸嘅，真係唔該晒，我比返張相佢對比，話唔洗換返比我，問良心啦，唔會再幫襯！

行開MegaBox見無咩食，經過呢間餃子駅捻住睇下有咩食，點知門口個姐姐好好招呼😂於是決定入去試下！ 除左餃子之外，仲有多款湯麵套餐！選擇都算多！食落其實冇評論講到咁差，$88蚊左右一個餐，有杯豆漿、有餃子、有麵算不錯了🤪 餐廳環境闊落，坐得舒服，員工態度幾好👍

經歷兩次態度惡劣，兩次都係同一個人！！！決定寫食評！！！第一次，天氣涷，想食熱辣辣既餃子，當時見到Megabox有餃子駅，就試下買嚟食，佢午市套餐有餃子+麵+一杯野飲，外賣78蚊，餃子都有好多款揀，我見幾抵，就揀左呢個套餐，買左單之後先知，原來套餐得6隻餃子，我本身以為有10隻，所以我就去問下幫我落單個阿姐可吾可以改10隻餃子吾要麵，佢話吾得，冇得改，其後我客氣問多次如果師傅未整，咁我可吾可以轉另一個套餐，佢就即時語氣吾好面都黑埋話：小姐，都話冇得改囉，一係加單，單落左冇得改啦。之後直接行開，其實我好聲好氣都係問下得吾得姐，吾得咪算囉，使吾使咁扯火，我比錢買野問多幾句都好似有罪咁😤但其他人又服務好好，所以冇擺係心度，今日再來幫襯第二次今日我特登打左電話嚟落單先，去到比左錢，佢叫我係出面等，成間餐廳吾係特別多人，出面外賣等既人得一位，都要等左20分鐘都未有，後尾我見到收錢台有份外賣，我就問收錢嗰位呀姐（跟上次態度差同一個人）嗰份外賣係咪我嫁？然後佢望一望我一眼，應吾都應一句，直接無視我，繼續做自己野，我見到已經火火地，就算吾係我既都可以應一句姐？不過我都算，打算再等一陣，等其他人會見到拎

本身經過諗住睇下餐牌有咩食，點知店員姐姐好好介紹🤣，見都係幾特別既餃子，又有湯麵套餐，口味款式幾多下，可以入去試吓～🍜擔擔湯麵 （罐裝奶茶）$56 擔擔麵有濃厚花生味，食落唔會好咸，麵條都夠煙韌，配上湯一齊食，好有食慾。見到飲品寫罐裝奶茶幾特別，黎到發現係太興奶茶，幾得意🤣🥢擔擔湯麵+鮮蝦滑帶子蘆筍餃（豆漿）$88餃子皮薄滑溜，餡料豐富又夠特別，可以清楚食到每樣食材，唔係話整到爛雜既餡料，口味清新，食得出鮮味。💯💖最後都要讚下店員姐姐服務真係好好👍🏻，我哋話睇下餐牌先，佢都係介紹完講唔食唔緊要，仲要好好笑容😊真係有賓至如歸既感覺～

晚上8 點到餐廳，係Megabox 醫肚。 見到有餃子， 門口張貼堂食限定套餐 dine - in special menu 就被吸引左。 決定8:45 再入到幫襯點知一坐低， 店員就好快把放係座位的dine in special 餐牌收走。 話呢個套餐係聽日先開始供應。 唔比我點。我當場打嗰突。 第一， 聽日先供應的Special 點解要係前一晚晚市要放一張 「不能點餐的餐牌」 係門口。 第二， 點解聽日先供應的餐牌可以咁殘。一坐低已經覺得間餐廳好唔誠實。 叫左餃子🥟，價錢較出面餃子店高。 $72 / 10 隻。以為有啲料到， 點知餃子大細同份量同灣仔碼頭差唔多。 賣相又係一pat pat 🫣酸辣湯上枱連最基本的匙羹都無比。 湯一啲都仲唔熱，暖到啱曬BB 仔食嗰種温度。我真係唔知佢哋趕收工， 定咁hea 。俾我哋嘅碗同匙羹仲要係污糟嘅。呢間野仲可以繼續生存係神蹟

呢間嘢啲嘢食超難食，服務差差差差，Aug 26 午餐時段，我叫咗個午市套餐，個餐有雪菜肉絲拉面加6粒蛋白菜餃子，二樣都係好難食，餃子皮及啲面都係啲淋bet bet。佢係用QR code 落單，其實落單時已經有疑問，問啲服務員，佢地跟本就唔想應你，又係不段咁叫你用QR code落單, 但落完單後，才見到紙餐牌上，有一個跟我已order的，一模一樣的餐，還多了一杯飲品，是＄88，而我已order的餐是＄91，貴幾蚊，食品一模一樣，但沒飲品。咁問返服務員，佢話落左單就唔能夠改嫁啦，佢好似好大恩賜咁話，佢私人請我飲杯豆漿啦😰又受氣，又浪費食午嘅quota，食咗啲咁難食嘅嘢😰

價錢中上 $88一個套餐，我點的是豬扒麵+餃子6隻+酸梅湯。先講講拉麵嘅麵質係好淋⋯ 豬扒正常⋯我心諗店名叫餃子駅，主打應該係餃子？！ 餃子皮煙韌度ok的，味道都可以，但個餡啲肉有啲梅同淋（我點的是麻辣蝦豬肉餃）。最後付款時，比visa 店員說唔夠$100唔收，ok理解的，比$500紙幣，店員說唔夠散紙找？沒想到一間大店舖會發生這個問題，店員叫我比八達通，幸好最後找到一張$100紙幣。試一次就算，有點失望。

🔹️餃子駅🔹️一進店看到Meun封面寫著“戀上餃子由邂逅開始“，也幾浪漫的吧☺️打開就有餃子 小吃 湯麵類選擇採用優質日本麵粉，以純人手工新鮮現場製作不同款式的餃子，餃子款式加入了有很多創意元素，最為人認知的是，招牌海膽及蟹粉蟹肉餃。有適合素食者選擇的素菜餃。另外亦有牛肉 豬肉 三鮮 及芝士系列可供選擇🔹️拉絲芝士粟米餃 +$18有湯麵樣子平平無其，外皮表面又好像隨便煎了兩下，不是後脆有點失望🥺但吃下去有驚喜，有芝士拉絲不會太膩，配合粟米竟然有種清新的感覺🤪🔹️酥炸排骨湯麵排骨炸粉厚薄適中，肉嫩不柴，真的不錯🍜湯麵 是🤭出前一丁的感覺🤪

都係我既錯， 星期日帶左阿仔去九龍灣學單車， 學完後黎左megabox 搵野食， 阿仔已經餓到發哂脾氣， 老婆又話想食茶木， 就拿拿臨衝左入去。點餐時已發現有d 唔對路， 不過都照點左面， 餃子同炸豬扒。坐坐下先發現呢個餐廳同茶木係拍埋一齊， 但其實係兩間餐廳黎， 不過野食都合理， 最奇怪係一間餃子店黎講， 最好味既居然係炸豬扒。服務和環境還算可以， 不過價錢都幾貴， 人均消費都差不多80蚊

一到週末megabox就會好多人， 因為要去宜家傢俬買點東西， 所以順便到餃子駅吃午餐。點了兩個堂食限定套餐$78 ～ 昆布粟米湯麵 + 醬油手拍小黃瓜 + 韭菜豬肉餃 + 大蔥牛肉餃 + 熱豆漿 + 酸梅湯。 ▫️昆布粟米湯麵🍜 ～ 湯底有點似淡淡的豉油味， 湯麵的質地煙韌彈牙。 ▫️醬油手拍小黃瓜🥒 ～ 清爽好味， 蒜香味夠濃郁。 ▫️韭菜豬肉餃🥟 ～ 韭菜味好香， 餃子清清地。 ▫️大蔥牛肉餃🥟 ～ 大蔥牛肉餡料夠惹味， 今次兩款都是蒸的，下次可以試煎餃。 ▫️熱豆漿🥛 + 酸梅湯🥤 ～ 兩杯味道都夠濃。 整體味道不錯， 店員們的服務亦很親切友善。