影片
更多
2022-10-02
516 瀏覽
今日同朋友經過D2 place 二期，見到呢間餐廳外觀同裝修都好似荔園，貪得意就話入去試吓，就係咁，我哋揭開了失望午餐嘅一頁……開頭諗住試吓佢的點心，叫了雪兔蝦餃王，跟住點餐的姐姐話雪兔蝦餃王賣晒，叫呢樣會比普通蝦餃我得唔得，我諗住最緊要有得食，當然應承。跟住我哋想點乾炒牛河，店員姐姐話賣晒，跟住想叫焦糖燉蛋，又話今日無。最後點了蕉積饅頭及鮮蝦趣意腸，難得佢哋有蝦，我哋點了兩樣食物都有蝦。蕉積饅頭最先嚟到，賣相有趣，係一條香蕉型嘅饅頭，可惜食落口超靭，咬極都咬唔開，我已經即刻趁熱食，最後我唯有用刀切開跟住蝦餃到，一籠得兩隻$30，好食嘅話唔緊要，我咬開一半，啲蝦口感比較霉，不太新鮮。接着嘅鮮蝦趣意腸，啲蝦嘅質素都係差唔多。食完呢幾個點心完全唔飽之後，我哋已經冇信心再點其他嘢食，最後點了較穩陣的Movenpick雪糕食。可惜，我哋等咗好耐雪糕都未到，於是我請店員跟進，再過多5分鐘雪糕到，惟店員比錯了另一隻味道我，我馬上同佢講比錯咗，佢即時發晦氣了一聲，跟住大動作的攞返兩盒雪糕。食完整餐，最好食穩陣是那杯雪糕😔 有感現在餐飲業競爭非常大，服務質素、食品質素及環境整潔度缺一不可，有時候，用心
開頭諗住試吓佢的點心，叫了雪兔蝦餃王，跟住點餐的姐姐話雪兔蝦餃王賣晒，叫呢樣會比普通蝦餃我得唔得，我諗住最緊要有得食，當然應承。
跟住我哋想點乾炒牛河，店員姐姐話賣晒，跟住想叫焦糖燉蛋，又話今日無。最後點了蕉積饅頭及鮮蝦趣意腸，難得佢哋有蝦，我哋
點了兩樣食物都有蝦。
蕉積饅頭最先嚟到，賣相有趣，係一條香蕉型嘅饅頭，可惜食落口超靭，咬極都咬唔開，我已經即刻趁熱食，最後我唯有用刀切開
跟住蝦餃到，一籠得兩隻$30，好食嘅話唔緊要，我咬開一半，啲蝦口感比較霉，不太新鮮。接着嘅鮮蝦趣意腸，啲蝦嘅質素都係差唔多。食完呢幾個點心完全唔飽之後，我哋已經冇信心再點其他嘢食，最後點了較穩陣的Movenpick雪糕食。可惜，我哋等咗好耐雪糕都未到，於是我請店員跟進，再過多5分鐘雪糕到，惟店員比錯了另一隻味道我，我馬上同佢講比錯咗，佢即時發晦氣了一聲，跟住大動作的攞返兩盒雪糕。
食完整餐，最好食穩陣是那杯雪糕😔
有感現在餐飲業競爭非常大，服務質素、食品質素及環境整潔度缺一不可，有時候，用心做好一款食品總比大堆頭好。
張貼
