Kome Kushi

營業中

休息中

喺西營盤搵到呢間日本居酒屋，除左串燒都有唔少選擇，相當吸引。前菜先有枝豆，粒粒口感唔錯。happy hour有個串燒配啤酒set 98蚊都幾抵，5選3揀左波子提豚肉捲、雞翼同帆立貝。我同朋友唔飲啤酒重可以轉其他特飲添。豚肉捲頗juicy，豚肉既鹹香夾埋波子提喺中間更香甜清新。雞翼都相當脆口，焦香美味。櫻花蝦燒原條茄子 $68茄子唔會燒得好乾，同粒粒櫻花蝦相當match，好惹味。昆布清湯真打烏冬 $88烏冬滑溜清新，幾飽肚。梅壽司杯 $108 赤蝦鮮甜爽嫩，配粒粒三文魚籽更添鮮味。巨蜂提子梳打kome kushi punch甜品有我鐘意食既蕨餅，口感煙韌，加上黃豆粉味道更香。