花月庭 (已結業)

今次住下呢個旺角酒店，包四個人自助早餐，我哋七點鐘到咖啡室食早餐，因為早都唔係太多人，每枱 都有透明板隔開。麵包酥皮包都好多選擇，可惜麥片種類就唔多，果汁只有橙汁，蘋果汁，凍鮮奶 。乳酪都有幾種口味，水果有菠蘿&哈密瓜。有個廚師幫我哋碌湯粉，選擇種類有 菜，魚蛋，魚片……另外，仲有即時煎蛋， 我揀咗mixed奄列，一早玩玩自製pancake。 熱盤呢大概約有十款 款選擇。食碗熱辣辣 嘅粥，粥煲得好'眠'。 最後當然要飲杯熱即磨咖啡啦。環境清靜，服務不錯。