森美奧廚房 (已結業)

一早起身落街就諗住食間歐陸早餐chill 下，於是去咗呢餐廳，餐廳比較大位置比較多唔需要排隊，一入去就搵咗卡位坐，環境舒適。其後，點咗個男人浪漫沙嗲牛肉麵，火腿蛋加蒜蓉包，加杯熱利賓納。服務員服務友善，落單速度快。大概幾分鐘，已經開始上餐，火腿無特別，但隻蛋煎得太耐有啲燶，但個人覺得蒜蓉包係好味道，沙嗲牛肉麵食得出舊時回憶，份量亦都足夠，價錢合理，性價比高，但餐廳唔收支付寶同微信支付，只收八達通付款。