影片
更多
2023-01-05
26 瀏覽
好耐冇食茶木啦，原來餐牌多咗好多台式嘢食，好吸引～～入到去感覺好舒服，係日系嘅侘寂風，喺度食野心情都輕鬆啲～兩個人廢事諗叫咗個晚市二人餐。前菜揀咗櫻花蝦魚湯浸娃娃菜同自家製台式烤香腸。娃娃菜嘅魚湯底味道好濃郁！而香腸都好特別，有啲似臘腸，油香滿滿的！主食叫咗鹽酥排骨肉燥米粉，碗具同食物賣相都好別緻，排骨炸得鬆化而不油膩，仲跟咗隻溏心蛋，而肉燥係另上的，最期待食呢個台灣米粉，質感好細滑，正～男友人就叫茶木嘅招牌紅燒牛肉麵，牛肉同牛筋分佈均勻，好入味，口感軟硬適中，麵底係粗身嘅麵，整體都唔錯。跟餐飲品有黑糖冬瓜茶同柚子蜜茶～食完二人餐，男友人心思思又叫多個鳳梨鮮果甜酸肉，除咗菠蘿之外竟然落咗火龍果，好新鮮嘅配搭。而個咕嚕肉亦相當好味！最後唔少得叫返個甜品～揀咗抹茶鮮果流心歐軟。入面有抹茶麻糬流心，用香滑鬆軟嘅面包點黎食好正～仲配咗球Haagen-Dasz抹茶雪糕，口感好fresh!
入到去感覺好舒服，係日系嘅侘寂風，喺度食野心情都輕鬆啲～
兩個人廢事諗叫咗個晚市二人餐。
前菜揀咗櫻花蝦魚湯浸娃娃菜同自家製台式烤香腸。娃娃菜嘅魚湯底味道好濃郁！而香腸都好特別，有啲似臘腸，油香滿滿的！
主食叫咗鹽酥排骨肉燥米粉，碗具同食物賣相都好別緻，排骨炸得鬆化而不油膩，仲跟咗隻溏心蛋，而肉燥係另上的，最期待食呢個台灣米粉，質感好細滑，正～
男友人就叫茶木嘅招牌紅燒牛肉麵，牛肉同牛筋分佈均勻，好入味，口感軟硬適中，麵底係粗身嘅麵，整體都唔錯。
跟餐飲品有黑糖冬瓜茶同柚子蜜茶～
食完二人餐，男友人心思思又叫多個鳳梨鮮果甜酸肉，除咗菠蘿之外竟然落咗火龍果，好新鮮嘅配搭。而個咕嚕肉亦相當好味！
最後唔少得叫返個甜品～揀咗抹茶鮮果流心歐軟。入面有抹茶麻糬流心，用香滑鬆軟嘅面包點黎食好正～仲配咗球Haagen-Dasz抹茶雪糕，口感好fresh!
張貼
