影片
更多
2023-10-24
49 瀏覽
今日好朋友生日🎉，帶咗佢嚟荃灣西呢間西餐慶祝，餐廳主打多食法國菜同埋生蠔🦪，裝修仲好Modern，而家天氣涼涼哋，可以選擇坐室外，可以望向荃灣汀九橋夜景，都非常有情調今日我哋叫咗個二人套餐$738，已經包括開胃菜，頭盤，兩個主菜，及甜品開胃菜，我哋叫咗一個沙律同是日餐湯，沙律好足料好豐富，有蘆筍，蕃茄仔，蛋，青瓜🥒，餐湯係蕃茄甘筍湯，帶少少酸味，有淡淡甘筍嘅香味，個湯非常Creamy，用嚟送麵包一流✨主廚拼盤～法國南部篇分別鵝肝醬多士，山羊芝士，吞拿魚他他，白毛豬火腿，炸黑松露蘑菇球，支豆醬，餅乾條，鵝肝醬非常creamy，鍾意食羊肉嘅朋友一定會鍾意食山羊芝士嗰陣羶香味，點埋麵包一齊食好夾，炸黑松露蘑菇球，外皮炸到好香脆，蘑菇大大粒好有口感✨脆皮燒豬腩屬於厚身嘅豬腩肉，肥瘦分明，一層肥膏一層瘦肉，口感有啲似東坡肉，豬皮燒到好香脆，十分惹味，下邊嘅蘋果蓉口感細膩，亦都可以中和豬腩肉嘅油膩感，配搭相當出色✨阿根廷安格斯牛脊肉特色係牛味比較濃，牛嘅油膩感唔重，叫咗五成熟，廚師火候控制得剛剛好，肉質好嫩滑，仲配冇燒薯粒，蘆筍✨火焰橙酒可麗餅食法國菜，當然唔可以錯過傳統法式班㦸，呢個甜品有得食之
今日我哋叫咗個二人套餐$738，已經包括開胃菜，頭盤，兩個主菜，及甜品
開胃菜，我哋叫咗一個沙律同是日餐湯，沙律好足料好豐富，有蘆筍，蕃茄仔，蛋，青瓜🥒，餐湯係蕃茄甘筍湯，帶少少酸味，有淡淡甘筍嘅香味，個湯非常Creamy，用嚟送麵包一流
✨主廚拼盤～法國南部篇
分別鵝肝醬多士，山羊芝士，吞拿魚他他，白毛豬火腿，炸黑松露蘑菇球，支豆醬，餅乾條，鵝肝醬非常creamy，鍾意食羊肉嘅朋友一定會鍾意食山羊芝士嗰陣羶香味，點埋麵包一齊食好夾，炸黑松露蘑菇球，外皮炸到好香脆，蘑菇大大粒好有口感
✨脆皮燒豬腩
屬於厚身嘅豬腩肉，肥瘦分明，一層肥膏一層瘦肉，口感有啲似東坡肉，豬皮燒到好香脆，十分惹味，下邊嘅蘋果蓉口感細膩，亦都可以中和豬腩肉嘅油膩感，配搭相當出色
✨阿根廷安格斯牛脊肉
特色係牛味比較濃，牛嘅油膩感唔重，叫咗五成熟，廚師火候控制得剛剛好，肉質好嫩滑，仲配冇燒薯粒，蘆筍
✨火焰橙酒可麗餅
食法國菜，當然唔可以錯過傳統法式班㦸，呢個甜品有得食之餘，仲可以睇表演，味覺同視覺都滿足到，簡直一流
✨薰衣草香茅花茶$45
✨百香果芒果果茶$48
我地另外叫咗兩杯飲品🍸，薰衣草有抗壓嘅功能，好適合夜晚臨瞓覺之前飲，有舒緩神經嘅作用，而百香果果茶酸酸甜甜，可以解除主菜嘅油膩感，解暑一流
張貼
