影片
更多
2017-08-03
319 瀏覽
第一次嚟呢間收費都幾「高級」嘅馬拉麵食連鎖店，本來喺從未光顧過嘅前提下，應該由最基本開始，試吓佢嘅喇沙先，但因為今晚夜收工，唔想喺消夜時段仲食咁高脂肪比例嘅喇沙，所以退而求其次叫咗碗蝦麵。一向對蝦情有獨鍾，過去喺唔同嘅馬來西亞餐廳或者小店試過蝦麵，但都係覺得湯底較清又冇乜蝦香味；今次試吓呢間「高級」馬拉連鎖店嘅功夫掂唔掂。碗蝦麵一上枱，感覺幾好因為聞到蝦香味，湯底濃郁幾鮮甜，有龍蝦湯嘅質感。配料除咗兩隻大蝦之外，仲有雞胸肉、雞蛋、青豆、芽菜；大蝦非常鮮甜爽口，雞肉亦夠嫩滑。麵底好正宗係福建麵混合幼身米粉，但份量一般，食完一碗仲好似有少少未飽，飲埋碗湯，先覺得啱啱好。除咗麵之外，仲配有一小碟味道很香濃的醬，味道鹹香帶蝦醬味，唔辣的。可以用來點各種配料或者撈落去湯麵度食，不過唔食濃味嘅人可能會覺得太鹹。最後，真係忍唔住成碗湯都飲埋！好味但是重口味！不過，唯一令我好唔滿意嘅係嗰個用好多個膠袋笠住嘅兜仔！！做咩啫！ ？呢度大排檔咩？？連洗個兜仔都懶？？懶到要用多個膠袋笠住佢用嚟裝蝦殼？？個樣好核突囉！！擺上張枱時，我呆一呆，佰幾蚊嚟食碗麵你搞咩啫！？真係有種好核突嘅感覺囉！！仲有，班員工嘅工作
碗蝦麵一上枱，感覺幾好因為聞到蝦香味，湯底濃郁幾鮮甜，有龍蝦湯嘅質感。配料除咗兩隻大蝦之外，仲有雞胸肉、雞蛋、青豆、芽菜；大蝦非常鮮甜爽口，雞肉亦夠嫩滑。麵底好正宗係福建麵混合幼身米粉，但份量一般，食完一碗仲好似有少少未飽，飲埋碗湯，先覺得啱啱好。
除咗麵之外，仲配有一小碟味道很香濃的醬，味道鹹香帶蝦醬味，唔辣的。可以用來點各種配料或者撈落去湯麵度食，不過唔食濃味嘅人可能會覺得太鹹。最後，真係忍唔住成碗湯都飲埋！好味但是重口味！
不過，唯一令我好唔滿意嘅係嗰個用好多個膠袋笠住嘅兜仔！！做咩啫！ ？呢度大排檔咩？？連洗個兜仔都懶？？懶到要用多個膠袋笠住佢用嚟裝蝦殼？？個樣好核突囉！！擺上張枱時，我呆一呆，佰幾蚊嚟食碗麵你搞咩啫！？真係有種好核突嘅感覺囉！！
仲有，班員工嘅工作態度都幾乞人憎！！水吧鬧樓面，樓面又鬧返水吧，你哋有人做錯野就大家入後欄鬧夠佢啦，做乜喺啲客人面前鬧嚟鬧去啫？？搞到我食碗麵都食得唔安樂！！然後，仲見到有個侍應喺度發脾氣將個餐牌掟落張吉枱度。個個都燶口燶面為乜啫？塊面黑到好似包公咁為乜啫！？？？月尾出糧都補唔返啦！！！
張貼
