影片
更多
2021-03-28
126 瀏覽
今日有朋友帶路，話天后有間好有藝術既fusion菜。之後網上見到啲食物都好吸引，每一道都好有心思咁擺放，所以大家一致決定食呢間。當我地入座既時候，店員將燈光較暗，即刻有種好chill可以放鬆既感覺~ 睇餐牌既時候，店員誠意拳拳咁推介流心咸蛋黃炒有機意大利粉配烤燒北海道帶子，同埋新推出既香燒海陸海驚喜寶盒 ，我地就叫左呢兩樣再加幾款冷熱盤同甜品。๛ 魚子醬海膽安格斯牛他他安格斯牛既牛味重，牛肉唔會打到好碎，保留到啲口感。配上超薄既多士幾夾，作為開胃菜都唔錯既選擇~๛ 香脆天婦羅海鮮雪糕筒蠔有兩隻，魷魚圈比較多，底部有沙律菜，放係雪糕筒真係幾特別~ 雪糕筒夠厚又脆，就算沙律菜有醬都唔會令雪糕筒變淋~ ๛ 香燒焦糖鵝肝配黑松露蟹籽北海道帶子厚切帶子上面舖上黑松露蟹籽，視覺上幾吸引，味覺上黑松露味幾突出，有啲蓋過左帶子既甜味。鵝肝口感軟腍，油脂味勁香濃。帶子同鵝肝分開食係唔錯既，但放埋一碟味道上有啲唔夾，同埋底下既多士太薄又唔夠脆，不過誠意同創意加分! ๛ 香燒海陸海驚喜寶盒 (新推出‼️)所謂海陸空包括有海入面既海鮮類，同埋陸上既牛~ 不過天空就無喇~ 先講下個"海"個部份，用寶盒去裝住啲食物
當我地入座既時候，店員將燈光較暗，即刻有種好chill可以放鬆既感覺~
睇餐牌既時候，店員誠意拳拳咁推介流心咸蛋黃炒有機意大利粉配烤燒北海道帶子，同埋新推出既香燒海陸海驚喜寶盒 ，我地就叫左呢兩樣再加幾款冷熱盤同甜品。
๛ 魚子醬海膽安格斯牛他他安格斯牛既牛味重，牛肉唔會打到好碎，保留到啲口感。配上超薄既多士幾夾，作為開胃菜都唔錯既選擇~
๛ 香脆天婦羅海鮮雪糕筒蠔有兩隻，魷魚圈比較多，底部有沙律菜，放係雪糕筒真係幾特別~ 雪糕筒夠厚又脆，就算沙律菜有醬都唔會令雪糕筒變淋~
๛ 香燒焦糖鵝肝配黑松露蟹籽北海道帶子厚切帶子上面舖上黑松露蟹籽，視覺上幾吸引，味覺上黑松露味幾突出，有啲蓋過左帶子既甜味。鵝肝口感軟腍，油脂味勁香濃。帶子同鵝肝分開食係唔錯既，但放埋一碟味道上有啲唔夾，同埋底下既多士太薄又唔夠脆，不過誠意同創意加分!
๛ 香燒海陸海驚喜寶盒 (新推出‼️)所謂海陸空包括有海入面既海鮮類，同埋陸上既牛~ 不過天空就無喇~
先講下個"海"個部份，用寶盒去裝住啲食物的確好有創意，有種海盜發現寶箱既感覺~ 一打開寶箱真係嘩左一聲，海鮮種類真心豐富，有原隻波士頓龍蝦、香烤鮮味鮑魚，黃金焗生蠔，鮮甜北海道帶子，另外仲有配菜包括原串新鮮車厘茄、燒香甜粟米，燒BB青椒仔。
龍蝦肉結實彈牙，食得出新鮮既，有陣海水既咸味~ 鮑魚煮得唔會過靱~ 特別要讚既係車厘茄，夠多汁又唔會酸，一啖海鮮一粒茄既味道幾夾~
到"陸"呢個份喇，其實都有"海"既成份，呢個香滑忌廉黃金蝦配烤腹肉牛排既底部由兩大條青椒承托住面，牛腹肉中間呈粉紅色(唔記得低添)，肉質軟腍無筋，加忌廉都已經好好味~ 忌廉黃金蝦切到細細粒，肉質彈牙爽口，好鐘意呢個蝦粒，呢碟算係今餐最滿意既一味~
๛ 流心咸蛋黃炒有機意大利粉配烤燒北海道帶子
每次見到有咸蛋黃既食物就會隻眼發光。咸蛋黃基本上煮到溶哂，意大利粉掛到咸蛋黃既汁，係好食既，冇令我失望~
๛ 抹茶提拉米蘇用木盒裝住既抹茶提拉米蘇上面有個雪山圖案，視覺上加分，可以打卡~ 味道方面，抹茶味香濃，忌廉又滑又creamy，甜度正常又唔會好漏。
張貼
