蚊蚊豬老火鍋 (已結業)

🐷🐽蚊蚊豬·老火鍋 烤魚|雞煲|放題🍲今日去開呢頭又極度肚餓，所以諗住同朋友是旦搵間打邊爐放題刷餐飽，點知呢間一啲都唔失禮，正到痺。👍🏻👍🏻呢個藥膳湯底非常濃，成煲湯好足料，落藥材一啲都唔孤寒又多雞。而且我哋留啲雞喺度等佢熬，令到個湯底越嚟越香。不錯不錯‼️未真正食火鍋料之前，我哋先食咗啲魚生墊吓肚，佢哋嘅三文魚好厚身所以口感好飽滿，而且幾有光澤，證明幾新鮮。同埋佢哋嘅八爪魚都唔錯。不過一定要講吓佢哋嘅熟食，燒汁牛仔骨同埋燒豬頸肉串真係好入味，佢啲配料好香但又唔會濃到蓋過本身嘅肉味，特別份量方面都好值得讚，佢嘅一份唔會好多搞到自己好飽又可以減少浪費。去到重點！呢個牛拼盤一啲都馬虎。分別有牛坂腱、極上牛肩嫩肉、封門柳同埋牛舌。四樣都係唔錯嘅部位，全部都好好味，特別符合本人鍾意羶味呢個喜好🤣，真係食唔停口。當然，以上只係冰山一角，佢哋仲有好多唔同嘅火鍋料，魚生，熟食等等任君選擇，一定符合各位嘅口味。如果下次去開呢頭一定會再來嘆過。👍🏻👍🏻