Le Garçon Saigon

營業中

休息中

今日本來話搵間cafe hea 下，行過就入咗呢間，坐低發現原來係越南野，真係估佢唔倒，anyway 越南都有咖啡嘅，咁照食啦～open 嘅水吧，高櫈感覺似西餐，menu 選擇都唔少，感覺份量細，所以叫咗三樣野。先嚟係咖啡，用越南壺沖，好有風味，底係練奶，但可選擇唔要，我地兩個都鍾意練奶嘅，所以大家都有要，見住咖啡滴落嚟好自癒💗。Vietnamese charcuterie～148即越南法包,法包已切件，包外脆內軟好好味😍，配料有豬肉腸，醃咗嘅瓜，肝醬……，其實料就一般，不過好耐無食越南野，感覺係正嘅。333 chicken ~288嚟到份量都幾大，會喺你面前加啤酒🍺上去，好似有少少睇表演咁，雞有燒過，所以香，仲有啲啤酒味其實似醉雞。Mushroom hu tieu ~158 呢個係菇炒粉，偏淡味，好似無乜鑊氣🤣整體都好味，服務都好👍，好有效率又細心解釋，不過檯有啲細。