影片
更多
2022-08-17
558 瀏覽
近排喺IG見到好多朋友去咗幫襯位於長沙灣嘅「新沙洞澡堂」，餐廳環境好似好靚咁。星期五休假就約咗舊同事去呢度食飯，估唔到平日都要排隊，人氣果然好高👏。餐廳以韓國澡堂為主題🛁🫧，特別得嚟又好過癮。中間位置堅係有個澡堂，有唔少靚女喺度打卡。另外牆身亦掛上花灑，哈哈。呢度主打韓國菜🇰🇷，價錢OK啵，套餐就直頭係抵上加抵。全部食物賣相都好吸引，絕對係色香味俱全！新沙洞特色甜品套餐($328/2人份量)，下午茶餐用粉紅色架裝住十六件鹹甜點，少女味爆登🎡💖，另外再包兩杯飲品。上層有原味窩夫牛角包、兩款鹹點同馬卡龍。鹹點口味分別係煙三文魚同碎蛋，裝住餡料嘅曲奇皮麻麻哋，因為偏硬同淡味，不過啲餡OK。🍭馬卡龍有驚喜，唔會死甜，帶焦糖同杏仁香，而且脆身唔黏牙。🥐原味牛角酥窩夫有兩件，並配上提拉米蘇醬同奶醬食，前者採用軟芝士，口味正宗，後者重花生醬，口感比較膩。牛角酥窩夫又名Croffle，製法係將牛角酥壓扁成為窩夫，佢再無鬆脆嘅層次，但就保持酥皮牛油香。下層有芒果奶凍🥛、宇治抹茶撻、士多啤梨撻同朱古力撻。奶凍幾香滑，芒果唔酸。幾款撻屬正常發揮，不過朱古力嗰款内有乾坤，朱古力醬之中蘊含香蕉蓉🍌，果香四溢。麻
近排喺IG見到好多朋友去咗幫襯位於長沙灣嘅「新沙洞澡堂」，餐廳環境好似好靚咁。星期五休假就約咗舊同事去呢度食飯，估唔到平日都要排隊，人氣果然好高👏。
餐廳以韓國澡堂為主題🛁🫧，特別得嚟又好過癮。中間位置堅係有個澡堂，有唔少靚女喺度打卡。另外牆身亦掛上花灑，哈哈。
呢度主打韓國菜🇰🇷，價錢OK啵，套餐就直頭係抵上加抵。全部食物賣相都好吸引，絕對係色香味俱全！
新沙洞特色甜品套餐
$328
28 瀏覽
0 讚好
0 留言
上層有原味窩夫牛角包、兩款鹹點同馬卡龍。鹹點口味分別係煙三文魚同碎蛋，裝住餡料嘅曲奇皮麻麻哋，因為偏硬同淡味，不過啲餡OK。🍭馬卡龍有驚喜，唔會死甜，帶焦糖同杏仁香，而且脆身唔黏牙。
🥐原味牛角酥窩夫有兩件，並配上提拉米蘇醬同奶醬食，前者採用軟芝士，口味正宗，後者重花生醬，口感比較膩。牛角酥窩夫又名Croffle，製法係將牛角酥壓扁成為窩夫，佢再無鬆脆嘅層次，但就保持酥皮牛油香。
下層有芒果奶凍🥛、宇治抹茶撻、士多啤梨撻同朱古力撻。奶凍幾香滑，芒果唔酸。幾款撻屬正常發揮，不過朱古力嗰款内有乾坤，朱古力醬之中蘊含香蕉蓉🍌，果香四溢。
麻辣勁爆芫茜韓式炸雞
$88
4 瀏覽
0 讚好
0 留言
韓式拌飯($68)，🍚拌飯大大碗，飽肚之選。雖然我哋無嗌肉，但其他料都好足，例如有煎蛋、芽菜、菠菜、紫菜同芽菜等，再撈埋辣醬食，味道唔錯，飯粒亦粒粒分明。
法式焦糖燉蛋韓式牛角酥窩夫
$58
3 瀏覽
0 讚好
0 留言
飲品方面，我哋加$10轉咗無酒精雞尾酒🍸，原價$58。左邊嗰杯係雪嶽山，而右邊就係新沙洞槍手。雪山造型無得輸，味道類似波子汽水乳酸梳打🏔。槍手如從顏色推斷一樣，係橙味汽水，味道唔太甜🍊。
總括嚟講，打卡餐廳畀人一貫嘅形象都係得個樣，不過新沙洞澡堂相反，佢竟然好食又抵食，店員服務態度亦抵讚。難怪有咁多人幫襯，餐廳值得推介👍。
張貼
