大灰熊廚房 (裝修中)

去TKO搵家人，係樓下間「大灰熊廚房」食吓小菜，簡單得嚟估唔到又幾正首先係前菜嘅「手拍青瓜」，清爽爽脆，青瓜嫩口感搭配微微嘅辣椒同蒜香，令整餐饗宴有個好開始接續嚟嘅係「香菇蕃茄肉片湯」，呢碗湯濃郁鮮美，冇乜味精但都夠味。香菇嘅鮮香同蕃茄嘅甜味完美結合，肉片夠嫩滑。對於味精敏感嘅我好似返到媽媽嘅廚房。「勝瓜雲耳炒牛肉」：勝瓜嘅鮮甜同雲耳嘅脆爽配埋牛肉嘅嫩滑，地道嘢炒得都夠火喉。最後係「柚子雞翼」，呢道菜帶嚟一個驚喜嘅，柚子嘅酸甜同雞翼嘅香嫩相互融合，啱啱炸起又夠晒脆卜卜，感受到廚師嘅心思。價錢方面都係一般小菜館咁上下，地方乾淨企理，如果行開附近可以一試