茶木‧台式休閒餐廳 (V Walk)

營業中

休息中

冇錯，又去茶木！但係以往茶木比我嘅印象都係偏貴，因為裝修靚坐得舒服嘢食又OK。琴日我嗌左佢哋個晚市套餐，但係唔要套餐😂😂松露塔塔醬雞絲 $69呢個餐已經有一碗自家製椒麻拌麵（其實唔好辣，只係有輕微輕微嘅麻，我個五歲仔都食到兩條麵，你就真係唔辣），仲有一件鴨血同素鵝。加埋餐就唔抵啦，加$38有一杯嘢飲同一個小甜品。我覺得唔值所以冇嗌。在幫仔仔嗌咗一個兒童飛機餐$68，佢個名叫做興奮沖天飛！呢個餐就好食啦！小朋友冇可能唔鍾意！兩粒魚蛋，幾條番薯薯條，台式腸仔，超級好味！而家多士佢哋做緊優惠！$68有得食佢哋好出名嘅草莓香草蜜糖磚塊，原價$83 㗎！係有啲眼闊肚窄嘅，但係咁平冇可能唔嗌囉！