有鑊氣-酸菜魚 (醫局街)

營業中

休息中

鄰居話附近有間小店佢嘅晚飯好得，午餐好味CP值高，所以今日就同媽媽一齊去試佢嘅午餐先。Openrice 話開中午12點，但準時去到已經差唔多全埸滿。一座低我哋就睇咗佢啲是日午餐，價錢大約係$42-50(包熱飲/罐裝汽水)。二話不說我就揀咗蒸龍躉頭腩飯，媽媽就揀咗沙薑雞飯。等左大約10分鐘...一嚟到就覺得魚俾得都好足，立即夾咗一舊嚟食，真係有驚喜，佢啲肉質好新鮮亦都冇雪藏味..底嘅蒜蓉粉絲亦都好惹味。跟住媽媽嘅沙薑雞飯就嚟到，雖然冇特別大驚喜，但雞都好入味。嘢飲我哋就叫咗一杯凍檸茶，一杯熱檸茶，正常味道啦😆整體來講呢間小店真係幾好味，雖然入邊只有兩個姐姐喺度做嘢比較忙，但係以咁嘅價錢$50就可以食到龍躉頭腩蒸飯CP值真係高。下次一定會book位去試下佢嘅晚飯，酸菜魚。