百味鮮辣蟹專門店 (已結業)

過左去石塘咀食小菜，這間離香港大學站五分鐘路程的百味鮮，可以地點不是大街，夜晚路人較少，但食物價錢比較貼地，而且質素有保証。蒜香凍螺：螺肉大粒肉質結實，爽口彈牙，有淡淡的酒香，提升螺肉的鮮香味。腐乳炒通菜：通菜炒得翠綠且爽脆，而且切開一小段方便入口，腐乳份量不會太多，咸味適中。避風塘炒蟹：蒜椒炒得乾爽，油份不會太重，蟹殼本身已卜開左，所以食落唔會太困難，尤其是蟹鉗，啖啖肉，蟹肉新鮮而且結實鮮甜。冰鎮咕嚕肉：除左嘩都是嘩，外觀精美，咕嚕肉外層有點似冰糖葫蘆，外脆内暖，肉質嫩腍，不會太酸，不過要新鮮出爐食，凍左外層會較硬。