北京水餃店 (已易手) 新餐廳

後補之作，o個日(29/9)要到尖咀一趟，所以趁機再嚟。上次試咗水餃雲吞，今次安歌水餃，放棄咗雲吞。反而叫咗豬扒拼水餃麵，太太冇乜食慾，剩係要水餃麵，加埋兩杯熱豆漿。飲品先到，見佢o地用煲番熱o的豆漿，但最終都只係暖暖地…無所謂，反正佢嘅豆漿都唔係咁出色。水餃依舊好味，但豬扒竟然咁好食!唔單止肥瘦厚薄適中，最緊要係雖然經過油炸，仍然保持一股肉香同肉汁，高水準之作是也!不過如果能夠分碟上就更好喇!環境都仲係麻麻地，服務都好似冇咁熱切，不過食物水準持續高企！