龍津美食

營業中

休息中

今日去荃灣食飯， 見時間尚早， 就買咗碗細嘅15蚊牛雜填下肚先。首先係碗底放咗兩塊大大件嘅蘿蔔墊底。牛肚畀得嗰兩片，仲係薄支支嘅。啲腸肯定係豬腸，中間都未清理得乾淨，食落重有浸異味。牛蒡就一啲都唔粉，仲硬過舊石頭 。牛肺就正常啲，但係剪到大粒過隻麻雀牌， 求求其其咁。可以睇得出前期處理都係馬馬虎虎，係完全冇擺心機落去嗰隻。賣嘢嗰啲阿嬸嘅態度又巴巴閉閉， 好似你求佢畀嘢你食咁。真係好唔明點解呢度openrice咁多人話佢好 食。