Bench Cafe

營業中

休息中

走訪荃灣，食肆林立，平靜的街道轉角有間咖啡店，走工業石屎風，門外有少少座位俾人坐喺街邊，呼吸下新鮮空氣，抽一口煙抒壓，靜看行人與汽車熙來攘往望望餐牌，原來有手工意粉食，確實有點驚喜，原以為咖啡店只專注做咖啡，食物只是配菜，都係一船all day breakfast 或者蛋糕仔，但有手工意粉就一定要試呢度要自己行出去落單，點了黑松露白醬蟹肉手工意粉和Dirty ，我每當見到咖啡店有Dirty，都會忍唔住點一杯，試試咖啡店的功架。Dirty要凍奶打落熱的expresso，上枱時需要層次分別，飲落去第一啖要感受到冷熱交錯，否則混為一體，對我而言只係一杯不冷不熱的latte。呢一杯細細杯，冇問題，從來dirty都貴精不貴多，望落有層次，飲落都感到冷熱交錯，合格。但問我咖啡質素如何，偏酸偏果香？sorry我飲完後冇乜印象，只能話不過不失吧意粉一上場，聞到松露醬香，但不濃，食落咸淡適中，蟹肉混在意粉中，不大吃得出，唯獨手工意粉有咬口，雖然份量看似不多，但食完感覺都實在。下次我仍然有興趣再試，或者試試佢嘅蛋糕吧