影片
更多
2023-01-05
1599 瀏覽
講起Sourdough，除左最出名既Bakehouse，一定要試下呢間低調小店——Levain Bakery⭐️ 老闆Li Kwok Cheung係物理系碩士出身，以自己對science既見解製作麵包，得出獨有既酸種麵團。麵包店黎講舖頭面積都幾大，採用open kitchen形式，可以見到店員搓麵團整麵包🍞 見到一底底既新鮮出爐麵包拎出黎，好吸引😍 舖頭既裝修風格都好歐美，用左黃色藝術牆，擺放左唔少油畫，幾有法式風格。行到最入仲有部鋼琴添🎹當日平日中午黎到都幾多人，仲有唔少外國客人～食物既搭配都比較歐式正宗，有種去左歐遊既感覺😆♢ Country Pate with Sourdough Toast $108必試Lavin既自家製sourdough！每間麵包店都有自己既麵種去培養酸種麵包，長時間發酵後味道保持原始麥香風味同酸種獨特口感，比起普通麵包更具營養價值。麵包皮焗得香脆，內裡又做到鬆軟、有空氣感，果然好食！個pate用左豬肝(pork liver)、意式煙肉(pancetta)整成，仲有d蔓越莓粒粒，整體口感鹹香唔會膩口，配sourdough食都幾夾，更加突顯酸種風味。♢ Bague
麵包店黎講舖頭面積都幾大，採用open kitchen形式，可以見到店員搓麵團整麵包🍞 見到一底底既新鮮出爐麵包拎出黎，好吸引😍 舖頭既裝修風格都好歐美，用左黃色藝術牆，擺放左唔少油畫，幾有法式風格。行到最入仲有部鋼琴添🎹
當日平日中午黎到都幾多人，仲有唔少外國客人～食物既搭配都比較歐式正宗，有種去左歐遊既感覺😆
♢ Country Pate with Sourdough Toast $108
必試Lavin既自家製sourdough！每間麵包店都有自己既麵種去培養酸種麵包，長時間發酵後味道保持原始麥香風味同酸種獨特口感，比起普通麵包更具營養價值。麵包皮焗得香脆，內裡又做到鬆軟、有空氣感，果然好食！
個pate用左豬肝(pork liver)、意式煙肉(pancetta)整成，仲有d蔓越莓粒粒，整體口感鹹香唔會膩口，配sourdough食都幾夾，更加突顯酸種風味。
♢ Baguette with Parma Ham & Gruyère $58
法包外皮好脆口，咬落卜卜聲，麥味幾重。法包夾左prama ham同Gruyère cheese，鹹香味道好出，呢個搭配唔錯。
♢ Iced Latte $42
揀左nutty風味既Latte，估唔到係麵包店飲到唔錯既咖啡！
♢ Hot Chocolate $50
呢杯朱古力真係超濃郁，仲濃過食一排朱古力！厄瓜多爾(Ecuador)係盛產朱古力之地，餐廳用左佢地100%天然純可可粉，難怪風味十足！
張貼
