影片
更多
2021-06-11
1627 瀏覽
其實我本身唔係特別鍾意日本哩個地方，不過當你已經有年半冇出國，同預計倒未來至少一年都未出倒國，你都會特別掛住日本嘅新鮮魚生同壽司。經朋友介紹，今次去左間非常隱蔽又低調嘅鮨店慶祝紀念日，因為佢喺希雲街盡頭，通常好少會行到咁入，所以去過幾次都從來唔知有哩間餐廳。最初以為佢地新開左冇耐，原來已經開左幾年，難怪平日夜晚都坐滿人。旭嘅店面比好多同級別嘅鮨店大好多，佢地分左兩組吧檯，一邊係食刺身壽司，另一邊就食鐵板燒，另外佢地亦有VIP房。我今次黎主要係為左佢地嘅刺身壽司，佢地嘅晚市Omakase分左三個唔同價位，分別係$1,350、$1,680同$2,000，三個套餐都包左前菜、熱盤、湯同甜品，最大分別係壽司同刺身嘅份量，我地揀左中間價位套餐，有刺身同八件壽司。落單後，先黎兩款前菜。第一款係一碟拼盤，最前面係螢光魷魚，冇平時食倒咁鹹，反而係有少少辣味，配埋個酸汁幾開胃；左上角係熟蝦，上面紅色一條條係紅菜頭，甜甜地，紅菜頭可以降血壓，有益又好味；最後可以食埋右上角嘅龍珠果清下個口啲味。第二道前菜係海膽玉子，玉子中間加左海膽，玉子口感幾滑，上面再加左冬菇。食完前菜，就開始食熱盤。北海道毛蟹 - 哩個
最初以為佢地新開左冇耐，原來已經開左幾年，難怪平日夜晚都坐滿人。
旭嘅店面比好多同級別嘅鮨店大好多，佢地分左兩組吧檯，一邊係食刺身壽司，另一邊就食鐵板燒，另外佢地亦有VIP房。
我今次黎主要係為左佢地嘅刺身壽司，佢地嘅晚市Omakase分左三個唔同價位，分別係$1,350、$1,680同$2,000，三個套餐都包左前菜、熱盤、湯同甜品，最大分別係壽司同刺身嘅份量，我地揀左中間價位套餐，有刺身同八件壽司。
落單後，先黎兩款前菜。第一款係一碟拼盤，最前面係螢光魷魚，冇平時食倒咁鹹，反而係有少少辣味，配埋個酸汁幾開胃；左上角係熟蝦，上面紅色一條條係紅菜頭，甜甜地，紅菜頭可以降血壓，有益又好味；最後可以食埋右上角嘅龍珠果清下個口啲味。
前菜
20 瀏覽
1 讚好
0 留言
海膽玉子
15 瀏覽
0 讚好
0 留言
北海道毛蟹 - 哩個毛蟹有兩種食法，右邊嘅大脾肉係冇加調味，可以食倒毛蟹嘅鮮甜味，而左邊嘅蟹肉就加左撈蟹膏，食時可以撈埋旁邊嘅紫蘇花入去，蟹膏味道好濃郁。
北海道毛蟹
19 瀏覽
0 讚好
0 留言
野生銀鱈魚
22 瀏覽
0 讚好
0 留言
北海道白粟米
18 瀏覽
0 讚好
0 留言
梳子魚
11 瀏覽
0 讚好
0 留言
慢煮鮟鱇魚肝
11 瀏覽
0 讚好
0 留言
白象拔蚌 - 爽口又鮮甜，就咁加啲鹽同wasabi食已經好味。
白象拔蚌
12 瀏覽
0 讚好
0 留言
野生藍鰭呑拿魚 - 呑拿魚油脂甘香，師傅仲特別將粗筋切走，其餘嘅幼筋因為切唔走，師傅就喺吞拿魚背面界幾刀界斷幼筋，所以食落好滑完全食唔倒有筋。
野生藍鰭呑拿魚
16 瀏覽
0 讚好
0 留言
黑松露雞肉卷 - 雞肉用椰菜包住黎煮，雞肉索晒啲醬汁，入味得黎又唔會太老，新鮮黑松露好大片，味道清香得黎味道又唔會太搶。
黑松露雞肉卷
9 瀏覽
0 讚好
0 留言
黑松露雞肉卷
34 瀏覽
0 讚好
0 留言
左口魚壽司 - 左口魚出名油脂豐富，師傅同樣輕輕燒過，油脂味香得黎唔會太膩，壽司飯用赤醋煮，唔會太酸，飯亦握得夠實。
左口魚壽司
24 瀏覽
0 讚好
0 留言
池魚壽司 - 魚味比左口魚濃啲，上面加左少少蔥花同薑吊一吊味。
池魚壽司
21 瀏覽
0 讚好
0 留言
赤身壽司 - 即係呑拿魚嘅背脊，因為油脂比較少，好多平價壽司店都會見倒，不過哩件赤身係醃漬過，食落冇平時咁削，紫菜夠乾爽，食落仲係脆脆地加左唔少分。
赤身壽司
18 瀏覽
0 讚好
0 留言
象拔蚌壽司 - 象拔蚌因為夠新鮮，所以經師傅拍一拍，蚌肉收縮食落更爽口。
象拔蚌壽司
19 瀏覽
0 讚好
0 留言
赤鯥魚壽司 - 夏天係食赤鯥嘅季節，肥美又嫩滑，師傅將赤鯥魚輕輕燒過，帶出魚油香味。
呑拿魚壽司 - 食哩類高級鮨店見倒拖羅一啲都唔奇，不過哩件吞拿魚壽司用左野生吞拿魚嘅兩個唔同部位，最底嗰塊係中拖羅，魚味重啲，上面兩塊係下巴近頸位置，油脂味就比較突出，比起用單一件大拖羅或中拖羅，層次更豐富。
呑拿魚壽司
12 瀏覽
0 讚好
0 留言
九州車海老壽司 - 食哩件壽司絕對可以用心驚膽跳黎形容，因為車海老非常新鮮，加上師傅喺上面加左啲岩鹽令蝦肉收縮，所以壽司上枱時，蝦肉仲不時跳動，起碼維持左五分鐘仲跳緊，最後我地都唯有趁佢唔郁時快快放入口。佢唔單止鮮甜，仲比爽口嘅牡丹蝦多左份清爽嘅感覺。
九州車海老壽司
8 瀏覽
0 讚好
0 留言
食完蝦肉，師傅仲將蝦頭炸到脆卜卜黎做配菜。
九州車海老蝦頭
9 瀏覽
0 讚好
0 留言
海膽軍艦 - 哩件軍艦用左兩隻唔同海膽，上面淺黃色係白海膽，食落比較清爽，下面橙黃色嘅係馬糞海膽，味道濃甜完全冇腥苦味。
海膽軍艦
15 瀏覽
0 讚好
0 留言
大蜆清湯 - 蜆肉好大隻厚肉，鮮甜又冇沙。
大蜆清湯
14 瀏覽
0 讚好
0 留言
甜品可以揀綠茶奶凍或者雪糕，我同另一半就每人揀一款。
綠茶奶凍 - 奶凍好滑溜，上面加左層綠茶粉，面頭再放左啲紅豆，綠茶甘香得黎唔會太苦，同香巳嘅紅豆絕對係perfect match。
綠茶奶凍
9 瀏覽
0 讚好
0 留言
綠茶奶凍
7 瀏覽
0 讚好
0 留言
總結，食物新鮮又高質，冇得挑剔，同其他同級鮨店比，佢店面比較大坐得舒服啲，雖然多位，不過真係估唔到佢平日都好多人食，所以最好預早少少book枱。
張貼
