韓閣 (富裕樓) (已結業)

門口禁飛排隊起碼等咗一個鐘！諗住對佢嘅期望好高啦，一入到去張枱擺兩個飯都唔夠，同佢講轉過第二個位。位置逼夾，兩個人叫三個餸都已經冇位擺，用QR code落單但係落完三樣嘢之後再落就落唔到，又要出過第二張單，管理混亂！第一道菜嚟嘅係石鍋拌飯爛飯。。。態度一般。。。d飯爛到唔想食. 同店員講啲飯好爛，店員話係咁㗎。。。唔知以為我係第一次食石鍋拌飯。。。你覺得我會信你咩？令我諗起中學時代低質素學生餐。。。食食吓仲要有隻烏蠅飛過，喺我面前飛來飛去。無言了。炸雞中間無味。。完全無醃過就炸，全靠汁既味去蓋過。醬油蟹即係同啲醬油係分開，返屋企叫你自己浸🤣仲衰過food court啲嘢食！豆腐海鮮湯冇特別好似啲醬加水….下次唔會嚟喇，唔明白點解會有咁多人排隊咁嘅價錢咁嘅服務同座位加上清潔度，我寧願去food court食囉！