元札幌拉麵 (宇晴軒商場) (已結業)

今晚突然想食日本拉麵，收工近近地走去附近宇晴軒商場的元札幌拉麵， 估唔到這間拉麵店平日都幾旺場, 好耐之前食過一次,水準依然保持得好好。兩個人看了一陣餐牌,這裏的套餐較為低食，HK$188可於 松、梅、竹、菊各選一樣， 合共數十款，都有好多選擇。松代表拉麵類，選了叉燒拉麵，叉燒肥瘦均勻，共3大片，口感嫩滑，味道好惹味。而拉麵麵質爽彈，食落口感彈牙。其它配料海帶、芽菜、粟米粒份量多，令整碗拉麵豐富好食。梅選了串燒雞翼，2串加起來有四隻雞中翼咁多， 燒得皮脆肉嫩，還很juicy口感，味道香濃。竹選了燒牛舌,口感彈牙，燒汁濃加上牛舌份量多， 邊食邊飲汽水， 特別滿足。菊選了鹽燒三文魚頭，太利害了，十分巨大的三文魚頭,好香濃惹味，魚頭啖啖肉,熱辣辣食特別正。而太太就算個定食晚餐-蒲燒鰻魚定食,HK$108,有 味噌湯、 蒸蛋和沙律菜。 鰻魚一大條， 鰻魚肉香滑,加上鰻魚汁甜甜地，配上爽口的珍珠米飯，美味滿足的一餐。兩個人食完咁多嘢, 埋單都係三百蚊，低食又好食。