影片
更多
2020-01-16
19 瀏覽
有時兩個人拍拖選擇食咩都好多限制，兩個嗌野食又嗌唔到好多，去大牌檔食野嗌兩個餸又食唔晒，所以中菜港式我地一般都排到最後。點知又俾我地搵到間京川菜既放題，選擇多達幾十款，而且價錢親民，即刻book位同女朋友去試下。入到餐廳地方都好大，有方枱，大圓枱，仲間左房俾一大班人既聚，一坐低店員好快就問我地飲咩茶，揀邊個組合。我地揀左芝士焗加拿大龍蝦同埋避風塘炒巨型大虎蝦，配埋蟲草花膠燉雞湯，每碗湯入面有兩片花膠同蟲草，真材實料，鮮甜又補身。依間京川菜放題其中一個賣點係片皮鴨都任食，平時出街食飯兩個人叫半隻都食唔晒，依到就食幾到拎幾多，為左保持食物質素，片皮鴨係有專人即叫即切，咁既價錢食到依d質素絕對係超值！仲有值得抵讚既地方，依到既點心亦到係即叫最蒸，仲可以一件一件咁點，唔怕食唔晒，試晒咁多樣，豬肉小籠包係必食之選，熱辣辣又皮薄又充滿肉汁，食到lam lam 痢😋😋仲有好多熱盤冷盤飲品幾十款既選擇供食客自取，食幾多拎幾多唔洗浪費，個人就最鍾意酸菜魚，魚肉嫩滑配埋酸菜可以去掉油膩感，口水雞既麻辣味又做得唔錯，雞又唔會乾爭爭，仲有其他既蔬菜類都好新鮮。最後配埋酒釀丸子同埋唔太甜又健康既竹蓆茅根水成餐飯
入到餐廳地方都好大，有方枱，大圓枱，仲間左房俾一大班人既聚，一坐低店員好快就問我地飲咩茶，揀邊個組合。我地揀左芝士焗加拿大龍蝦同埋避風塘炒巨型大虎蝦，配埋蟲草花膠燉雞湯，每碗湯入面有兩片花膠同蟲草，真材實料，鮮甜又補身。
依間京川菜放題其中一個賣點係片皮鴨都任食，平時出街食飯兩個人叫半隻都食唔晒，依到就食幾到拎幾多，為左保持食物質素，片皮鴨係有專人即叫即切，咁既價錢食到依d質素絕對係超值！
仲有值得抵讚既地方，依到既點心亦到係即叫最蒸，仲可以一件一件咁點，唔怕食唔晒，試晒咁多樣，豬肉小籠包係必食之選，熱辣辣又皮薄又充滿肉汁，食到lam lam 痢😋😋
仲有好多熱盤冷盤飲品幾十款既選擇供食客自取，食幾多拎幾多唔洗浪費，個人就最鍾意酸菜魚，魚肉嫩滑配埋酸菜可以去掉油膩感，口水雞既麻辣味又做得唔錯，雞又唔會乾爭爭，仲有其他既蔬菜類都好新鮮。最後配埋酒釀丸子同埋唔太甜又健康既竹蓆茅根水成餐飯就好完滿😋
張貼
