南洋 (已結業)

自創菜式嘅南洋菜餐廳，裝修企理，款式都幾多。環境店舖一望落去就覺得好乾淨企理，用淺藍色做主調，好光猛，環境幾好。餐牌除左傳統南洋菜式，都有啲係餐廳自家創菜式。 金沙骨肉骨茶 $58 常見肉骨茶有2款：新加坡及馬來西亞 ，前者重胡椒味、後者藥材味濃。呢到嘅係後者，呷入口藥材味濃但不至難入口，飲完好舒服。 芒果軟殼蟹米紙卷 $68好大份，米紙做到好薄，口感更好，唔會漿住個口，芒果更多就好啦！ 南洋波士頓龍蝦喇沙摻摻 $108原隻波士頓龍蝦，油麵加米粉，湯底都重椰汁香，一個人食嘅話可能會太多，2個人share再食其他野就啱。 牛油果沙冰 $40必點之一，飲落係好天然嘅牛油果，無咩加糖水果d。 紅豆椰汁冰 $28 呢杯都好飲，椰汁味突出，加埋紅豆有咬口。總括而言，佐敦不嬲都係美食集中地之一，而係吳松街亦有好多選擇，下次不妨到呢到試下，坐得舒服，款式亦多。