漁正居酒屋

營業中

休息中

放工不想排隊食壽司，取而代之走到佐敦內街漁正居酒屋食晚飯。因為五週年正在做優惠，Openrice訂座全日全單都享有7折，算係好抵食！目仁奈刺身擺盤好靚，切咗一朵玫瑰花出嚟。目仁奈肉質柔軟而帶爽，鮮味非常，而魚頭則拎返去煮湯，一魚二食！個湯仲要好奶白好好飲~螢光魷魚爽脆有咬口，好肥美，有爆漿口感，因為本身已經有調味，所以什麼也不用點都好好食！小豆池魚細細條好香口，咸香滿分，點沙律醬就已經好好味。烏賊紫蘇梅子脆卷這個小卷很驚喜，有淡淡的紫蘇味，入面包著烏賊、梅子，還有卜卜脆的蟹籽，口感豐富。稻庭烏冬滿滿的一碗熱辣辣上枱，以蔬菜為主，湯底比較清淡，但係好鮮甜。烏冬有滑嘟嘟，好食！串燒一次過上枱，點了雞翼串、雞心串、蘆筍豚肉卷、汁燒帆立貝，新鮮即燒起。蘆筍豚肉卷爽脆肉嫩，雞翼大大隻皮脆肉滑，帆立貝大大粒又啖啖肉，至於雞心則爽脆有咬口，全部都燒得出色！燒三文魚頭一大個三文魚頭燒得焦香帶脆，三文魚肉夠肥美，連皮食多了份香口！大大一個，佐酒佳物！小店食物有水準，亦有賣相，加上全單7折真係好抵，的確係佐敦日式料理的好選擇。