影片
更多
2024-06-22
226 瀏覽
呢日同友人行過呢間餐廳 佢見到門口有條同Ian慶生嘅橫額 作為Hellosss嘅佢就二話不說 衝咗入去😅 我哋一行三人 所以除咗嗌一份晚市二人套餐 仲另外加多咗份意粉套餐🍝 成個晚餐好豐富 有晒前菜 主菜 甜品同飲品😋是日餐湯 麵包今日嘅餐湯係忌廉薯仔湯 薯仔打成蓉 口感幾Rich 再配埋香脆嘅蒜蓉包 已經係一個好好嘅開始🥖脆炸魷魚柚子雜菜沙律底下嘅雜菜沙律好多🥗 除咗有常見嘅蔬菜之外 仲有新鮮柚子 所以食落口就更加Fresh 面頭仲有一啲炸魷魚鬚🦑 魷魚嘅質地唔會太韌👍🏻牛油白酒煎焗挪威比目魚呢個比目魚嘅油脂好豐富🐟 每一啖都好滿足 特別鍾意店家嘅醬汁配搭 令到食到後期都唔會覺得太油膩 比目魚嘅底下有薯仔 同埋蕃茄茄蓉🍅 而側邊淺黃色嘅醬汁就係牛油🧈炭燒法式豬鞍架伴紅桑子汁豬鞍架喺上碟嘅時候已經切好咗 方便食用🐷 豬鞍都幾厚身 而且炭燒完之後入面仲保持住有好多肉汁 側邊嘅紅桑子汁酸酸甜甜 配起呢一個豬鞍架真係一流✌🏻卡邦尼意大利粉呢個意粉唔算係好Creamy嗰種 但係就絕對夠晒多芝士呀🧀 見到去邊頭有大量嘅芝士粉同埋鹹煙肉 呢一個卡邦尼意粉最特別嘅地方係佢嘅鹹香味並唔係來自普通嘅煙肉
呢日同友人行過呢間餐廳 佢見到門口有條同Ian慶生嘅橫額 作為Hellosss嘅佢就二話不說 衝咗入去😅 我哋一行三人 所以除咗嗌一份晚市二人套餐 仲另外加多咗份意粉套餐🍝 成個晚餐好豐富 有晒前菜 主菜 甜品同飲品😋
是日餐湯 麵包
今日嘅餐湯係忌廉薯仔湯 薯仔打成蓉 口感幾Rich 再配埋香脆嘅蒜蓉包 已經係一個好好嘅開始🥖
脆炸魷魚柚子雜菜沙律
底下嘅雜菜沙律好多🥗 除咗有常見嘅蔬菜之外 仲有新鮮柚子 所以食落口就更加Fresh 面頭仲有一啲炸魷魚鬚🦑 魷魚嘅質地唔會太韌👍🏻
牛油白酒煎焗挪威比目魚
呢個比目魚嘅油脂好豐富🐟 每一啖都好滿足 特別鍾意店家嘅醬汁配搭 令到食到後期都唔會覺得太油膩 比目魚嘅底下有薯仔 同埋蕃茄茄蓉🍅 而側邊淺黃色嘅醬汁就係牛油🧈
炭燒法式豬鞍架伴紅桑子汁
豬鞍架喺上碟嘅時候已經切好咗 方便食用🐷 豬鞍都幾厚身 而且炭燒完之後入面仲保持住有好多肉汁 側邊嘅紅桑子汁酸酸甜甜 配起呢一個豬鞍架真係一流✌🏻
卡邦尼意大利粉
呢個意粉唔算係好Creamy嗰種 但係就絕對夠晒多芝士呀🧀 見到去邊頭有大量嘅芝士粉同埋鹹煙肉 呢一個卡邦尼意粉最特別嘅地方係佢嘅鹹香味並唔係來自普通嘅煙肉片 而係醃製咗嘅豬五花肉🐷
是日甜品
抹茶芝士餅 食落口感幾Creamy 而且真係好香抹茶味🍰 另外夏天咁熱我哋嗌咗一款朱古力雪糕🍫
飲品
跟餐可以配美式咖啡☕️ 另外亦都可以加錢要啲特色咖啡 例如係朱古力牛奶咖啡同埋榛子牛奶咖啡 三杯入面我就最鍾意佢嘅Mocha啦😙 朱古力同咖啡嘅比例啱啱好啊
餐廳嘅環境幾舒適 加上6月有Ian嘅應援活動 餐廳有打卡位俾Hellosss影相㗎 鍾意Ian嘅一定要嚟啦😆
張貼
