鐵堂 (已結業)

星期日約咗仔仔三點零出佐敦食午餐連下午茶，心思思繼續因為未去到日本，所以又要食住日本菜頂下癮先。見到呢間新張日式小店，位於佐敦白加士街。門口木系裝修，感覺企理，所以就決定試吓。小店地方不算很大，近門口位置有人出入時會比較通風，如果怕大風建議坐較入面位置會更好。不過餐廳供應食物種類都算多，有小食、串燒、燒肉、刺身、壽司、飯丼等。飲品方面亦有酒類供應，而且亦提供有多款套餐，分別為金、銀、銅、鐵供客人選擇。午市第二份套餐更可享半價優惠，相對更加抵食。《鐵餐》（$88)，套餐包括月見飯、紅酒牛肋肉、唐揚炸雞、黑松露吉列炸蝦及芥末八爪魚。本人尤其喜歡紅酒牛肋肉，十分好味。至於唐揚炸雞味道亦都不錯。《銀餐》（$88），有紫菜飯、牛肉壽喜燒、蟹肉可樂餅、唐揚炸雞翼、技豆（因售罄轉了醃蘿蔔）。牛肉壽喜燒配菜有冬菇、紅蘿蔔、紫洋葱、京蔥等。另配有生蛋，牛肉沾上蛋汁一起吃，可以令口感會更滑。至於蟹肉可樂餅就幾得意，入口係一些很滑的白醬，勝在炸得夠熱辣辣及香脆。留意番食物跟餐牌有機會略有不同，要視乎當天食材供應而有機會改變。小店用心製作，尤其繁忙時段，食物需時，請耐心等候。