丼瀛 (已結業)

喺佐敦搵食就最開心㗎啦，幾乎想食咩菜都有，行過見到有間日本菜就即管入去試吓啦！一嚟到即刻叫咗個築地壽司杯先！上咗菜之後真係華華聲啊！打卡必叫！最值得讚嘅就故知然係花之戀壽司同埋個海膽壽司啦，魚生係好新鮮嘅！重點係切得咁靚都唔知食邊樣先！除此之外仲叫咗兩款串燒，分別係金菇肥牛串同埋牛舌，牛舌扺讚喎！厚薄啱啱好唔會咬唔開！長腳蟹鍋，份量都好足夠喎！其實兩個人食呢個已經好飽啦另外仲有啲小食，分別係芝士年糕芝麻雞翼同埋忌廉蟹肉薯餅，當中最愛就當然係芝麻雞翼啦！