憶食尚臘味煲仔飯

營業中

休息中

以前食開廟街的煲仔飯，覺得質素不一。自從朋友上次帶我黎過【憶食尚】食煲仔飯，我同大佬都念念不忘。餐廳鄰近柯士甸站，分上下兩層，大部份桌都用屏風相隔，私隱度頗高。    ⦁廣式臘味煲仔飯 $177餐廳的臘味煲仔飯，分了四川口味以及廣式口味。個人比較喜歡廣式風味，夠晒經典的粵菜之一。飯香四溢，每粒米都吸飽臘肉、臘腸等油香。每款臘味肉質Q彈，大佬最鍾意煲底焦脆的飯粒，香口之餘，仲好有層次感。    ⦁甜蜜咕嚕肉 $127咕嚕肉表面被一層薄薄酥脆的炸粉包裹住，肉質鮮嫩多汁，搭配酸甜而不甜膩的醬汁，非常開胃‼️  ⦁四季豆干煸雞脾菇 $127脆嫩的四季豆干，而雞髀菇食落多汁，兩款蔬菜搭配起來，非常清爽。整體味道帶有丁點香辣，送飯一流。    ⦁芒果特飲 $39⦁士多啤梨特飲 $39⦁茶芥 $15/位餐廳本身有不同熱茶提供。而個人覺得夏天應該必點特飲，兩款特飲酸酸甜甜非常開胃，加上冰凍的感覺非常解暑。