火五越式牛肉粉專門店 (其昌樓)

營業中

休息中

夏天嚟到，越南菜清新同酸甜嘅菜式係個好選擇，呢間見出面都有人排下隊，同埋一人餐好抵食，又有小食，又有飲品😍😍😍🍲火五鳳爪撈檬 一人餐 $82食撈檬就冇咁熱，醬汁酸甜少辣，非常開胃～檬粉應該有過冷河，好彈牙又夠爽！鳳爪唔係白晒晒個隻，應該係有用甜酸汁醃過，咬落爽口之餘，酸酸甜甜感範好好味～🐔特色雞翼呢個榮獲今日MVP，雞翼連埋翼尖，裏裏外外都盡見心思。見到炸皮有芝麻好香，仲有蔥油喺面，炸皮好脆但唔油，入面仲要好有肉汁，超juicy！如果唔係叫咗咁多野，真心想encore嘅程度！🍲麻辣酸菜牛丸檬粉 一人餐 $82冇諗過越南餐廳都係麻辣湯底，決定試一試，點止都唔錯嘅。酸酸辣辣配上越式檬粉，意外又幾夾。🍤原隻大蝦長春卷 跟餐春卷真係好長～食落真係有原隻蝦喺入面，真材實料，外皮都炸得好脆！峴港吉列炸蝦餅 (4件)炸蝦餅配住沙律醬，咬落唔會太實，蝦味都幾出！🥤白桃梳打 ＆ 荔枝梳打 跟餐飲品飲品選擇都幾多，仲要係夏日清爽飲品都唔算，梳打好夠汽，個底仲有果肉，有啲咬口。